影片
更多
2018-12-05
267 浏览
一直久仰元朗鮨文大名，终于有时间又卜到枱去食。地点喺闹市嘅小巷，喺康乐路轻铁站一落车往惠康方向行，到凉茶舖右转就到。一入去就见到两位师傅喺度忙碌，食厨师发办最开心莫过于睇住佢哋将食材转化为美食嘅过程。坐底就有蒸蛋食，汁鲜蛋滑，卖相仲好精美。冬松珍蚝，大大只又厚肉，入口非常之爽口，师傅系上面加咗橘子汁，食完饮啖茶就可以冲走蚝嘅潺，齿颊留香之余仲会回甘。之后系深海池鱼，里面包住水种葱，佢得葱香味但冇辛味，口感丰富有趣。另一块系野生𫚕鱼，用炭火网烧，食嘅时候点少少芥末，鲜甜美味。再嚟就系鲣鱼刺身，佢味道比较浓郁，师傅话重铁质又新鲜嘅鱼食到尾会有少少酸味，加上卷葱，浓厚得嚟又唔会觉腻。时令白子加上少少柚子皮同酸汁，表面微微烧过，香浓幼滑。第一次食香箱蟹，又名势子蟹，11月先解封。师傅采用蟹乸制成冻蟹，清甜可口又显清新。大拖罗，师傅烧完再将佢嘅鱼油倒返入去，口感油润，味道香得嚟唔霸道，仲食到芥末甜味。白面豉汁配上煎炸过嘅鲈鱼，鱼肉鲜滑细致，加上甘甜嘅日本萝卜。针鱼鱼生上有芝麻同红莓酱，本身鱼身爽口肉甜，做成寿司非常美味。之后系烧香咗银鳕鱼，油份重，配上柚子胡椒，令佢食落有啲柚子香，最后仲有少少辣
一入去就见到两位师傅喺度忙碌，食厨师发办最开心莫过于睇住佢哋将食材转化为美食嘅过程。
坐底就有蒸蛋食，汁鲜蛋滑，卖相仲好精美。
冬松珍蚝，大大只又厚肉，入口非常之爽口，师傅系上面加咗橘子汁，食完饮啖茶就可以冲走蚝嘅潺，齿颊留香之余仲会回甘。
之后系深海池鱼，里面包住水种葱，佢得葱香味但冇辛味，口感丰富有趣。另一块系野生𫚕鱼，用炭火网烧，食嘅时候点少少芥末，鲜甜美味。
再嚟就系鲣鱼刺身，佢味道比较浓郁，师傅话重铁质又新鲜嘅鱼食到尾会有少少酸味，加上卷葱，浓厚得嚟又唔会觉腻。
时令白子加上少少柚子皮同酸汁，表面微微烧过，香浓幼滑。
第一次食香箱蟹，又名势子蟹，11月先解封。师傅采用蟹乸制成冻蟹，清甜可口又显清新。
大拖罗，师傅烧完再将佢嘅鱼油倒返入去，口感油润，味道香得嚟唔霸道，仲食到芥末甜味。
白面豉汁配上煎炸过嘅鲈鱼，鱼肉鲜滑细致，加上甘甜嘅日本萝卜。
针鱼鱼生上有芝麻同红莓酱，本身鱼身爽口肉甜，做成寿司非常美味。
之后系烧香咗银鳕鱼，油份重，配上柚子胡椒，令佢食落有啲柚子香，最后仲有少少辣味。金目鲷非常惊喜，配上俄罗斯蓝宝石鱼子酱，味道上又唔会喧宾夺主。赤贝新鲜，趁佢未拿埋一旧嘅时候放入口，爽。𫠒红鱼腩油份香，烧香咗嚟食都非常美味。
爆满嘅海胆杯，仲可以一尝特别竞标嘅白海胆，超香浓，一啲苦味都冇，新鲜，滑身。
仲有几种鱼（白身鱼鱼头鱼骨）煮成嘅鱼汤，奶白汤身，鱼味香郁。右口鱼油份都非常重，配上少许饭做成手卷，非常香口。最后一道日本蜜瓜，系依个晚餐完美又甜蜜嘅味道。
张贴
