影片
更多
2024-03-20
284 浏览
✨懒人包总结👼🏻 暂时系我嘅川菜天花板！一次过试到多款创意川菜，菜式华丽登场，打卡之余味道亦相当出色😍 我食辣程度系BB级，而椒宴以花椒为主，香口而唔觉得死辣！最后有花椒糖作为小礼物。呢个价钱食到咁多款高水准功夫菜，个人认为物超所值！－:+:－:+:－:+:－:+:－:+:－:+:－🌟椒宴 ✨开胃菜奉上蜜瓜同乳酸Mocktail以清新味蕾。✨凉菜-成都泡菜👍🏻👍🏻 清爽，微辣，咬落去多汁。-灯影鱼片 👍🏻系灯光映照下微微透光，不得不佩服师傅嘅刀工！-烧椒皮蛋👍🏻使用有机皮蛋，清香而且无腥味，椒香味十足。-椒麻鳝丝「怪味」甜酸麻辣，层次丰富。✨鱼子酱鸡牛汤冻👍🏻使用本地牛肉、四川鱼子酱、泡菜，鹅肝酱、鲍鱼等等食材，以中西合璧手法呈现美食。✨蝴蝶竹荪汤系一道国宴菜菜式，使用猪肉、猪骨、金华火腿、白菜等熬煮8小时。汤汁清香淡雅，不带一点杂质。试一啖原味后再加入山椒精油，提升鲜味，味道类似香茅同柠檬叶。而蝴蝶亦都系厨师以鱼肉制作而成。✨大千干烧关东参👍🏻👍🏻👍🏻灵感来自美食家张大千既菜单，参考大千干烧鱼嘅做法再作改良。关东参香软无比，不费吹灰之力就可以切开。蘸上炸过既黑毛猪粒同杏鲍菇底汁，香口
暂时系我嘅川菜天花板！一次过试到多款创意川菜，菜式华丽登场，打卡之余味道亦相当出色😍 我食辣程度系BB级，而椒宴以花椒为主，香口而唔觉得死辣！最后有花椒糖作为小礼物。呢个价钱食到咁多款高水准功夫菜，个人认为物超所值！
－:+:－:+:－:+:－:+:－:+:－:+:－
🌟椒宴
✨开胃菜
奉上蜜瓜同乳酸Mocktail以清新味蕾。
✨凉菜
-成都泡菜👍🏻👍🏻
清爽，微辣，咬落去多汁。
-灯影鱼片 👍🏻
系灯光映照下微微透光，不得不佩服师傅嘅刀工！
-烧椒皮蛋👍🏻
使用有机皮蛋，清香而且无腥味，椒香味十足。
-椒麻鳝丝
「怪味」甜酸麻辣，层次丰富。
✨鱼子酱鸡牛汤冻👍🏻
使用本地牛肉、四川鱼子酱、泡菜，鹅肝酱、鲍鱼等等食材，以中西合璧手法呈现美食。
✨蝴蝶竹荪汤
系一道国宴菜菜式，使用猪肉、猪骨、金华火腿、白菜等熬煮8小时。汤汁清香淡雅，不带一点杂质。试一啖原味后再加入山椒精油，提升鲜味，味道类似香茅同柠檬叶。而蝴蝶亦都系厨师以鱼肉制作而成。
✨大千干烧关东参👍🏻👍🏻👍🏻
灵感来自美食家张大千既菜单，参考大千干烧鱼嘅做法再作改良。关东参香软无比，不费吹灰之力就可以切开。蘸上炸过既黑毛猪粒同杏鲍菇底汁，香口惹味，好惊喜🥹
✨土罐贡椒乳鸽👍🏻
四川传统过节菜式之一，一打开盖就有香气扑鼻而来。乳鸽皮脆肉嫩，微微辣，相当滋味。
✨青花椒麒麟鱼
以青花椒同蚕豆泥打成酱汁，再用立鳞烧做法处理，外皮似薯片咁香脆，肉质依然保持嫩滑，酱汁香辣有层次！酱汁味道较浓，稍微遮盖鱼肉本身味道。
✨老成都水煮牛肉 👍🏻
酱汁调味恰好，牛肉亦唔会干柴，配搭莲藕同土豆片等等食材，会想一口接一口继续咁食。
✨野生椒素炒千年银杏配九年野生百合 👍🏻👍🏻👍🏻
好有趣，食材切成俄罗斯方块嘅形状。银杏来自自家种植嘅千年古树，有嚼劲，清甜。我本来就系银杏爱好者，呢个系我人生食过最好食嘅银杏，回味无穷🥹🥹
✨无盐菜煨饭
类似四川煲仔饭咁，配搭萝卜干甜甜地，味道更丰富。
✨甜品
-麻婆豆腐冰淇淋
以新鲜豆腐制作、再加入花椒精油，清香冰凉又带点花椒香嘅刺激。
-椒茶
每一口都有微微椒香，相当特别。
-杏仁薄脆·花椒朱古力·雪米糍
上场方式相当华丽，系用一个大啤梨装住🍐
由前菜到甜品都系一丝不苟，制作认真，感受到花椒唔同嘅个性。每食完一道都好期待下一道菜式，绝对会同朋友再嚟！
张贴
