影片
更多
2022-10-23
33 浏览
前排好钟意一套台湾剧叫华灯初上，今日去食嘅呢间餐厅充分体现左80年代条通文化个种日式酒店的装修！里面嘅装修非常之有心思，而且有好多小彩蛋系入面 ！大家千其唔好错过。 当然啦，入面系正经餐厅，系唔会有小姐嘅，所以大家千其唔好谂错隔离🤣🤣一般的台湾菜，只会俾人感觉系地道小吃，上唔到大台。而我刚走入黎都系呢个感觉，心想：吓？台湾菜都系个啲野，好极有个谱啦？就睇下你点收呢个价。 而且一入到店舖入面， 首先会被佢的装修吸引，亦会好自然觉得系一间「食装修」的铺头。言归正传，讲返啲野食先古早味佛跳墙🍲佛跳墙听就听得多啦，食都系第一次，仲要估唔到系台湾餐厅食。成件事好似错哂咁😂 不过，呢一个佛跳墙绝对无令我失望。 大家都知道，佛跳墙系将各种山珍海味摆入去炖盅入边，细火慢炖而来既精粹。而佛跳墙最重要系火候同足料，鲍鱼、花胶、海参、金华火腿、嫩鸡、日月鱼，应有尽有，汤浓郁而骨胶原十足，入边有晒珍馐嘅香味，超正！台湾海山酱油炒松阪猪配饭🐷成餐饭最喜欢呢一味，原因就系超级送饭👍👍松阪猪非常嫩滑，唔会韧不特止，仲唔会有筋同肥膏位，口感十足。连同彩椒及本菇一齐用海山酱油去炒，令到成个𩠌好开胃，好味有营养！稻埕牛肉
前排好钟意一套台湾剧叫华灯初上，今日去食嘅呢间餐厅充分体现左80年代条通文化个种日式酒店的装修！里面嘅装修非常之有心思，而且有好多小彩蛋系入面 ！大家千其唔好错过。 当然啦，入面系正经餐厅，系唔会有小姐嘅，所以大家千其唔好谂错隔离🤣🤣
一般的台湾菜，只会俾人感觉系地道小吃，上唔到大台。而我刚走入黎都系呢个感觉，心想：吓？台湾菜都系个啲野，好极有个谱啦？就睇下你点收呢个价。 而且一入到店舖入面， 首先会被佢的装修吸引，亦会好自然觉得系一间「食装修」的铺头。
言归正传，讲返啲野食先
古早味佛跳墙🍲
佛跳墙听就听得多啦，食都系第一次，仲要估唔到系台湾餐厅食。成件事好似错哂咁😂 不过，呢一个佛跳墙绝对无令我失望。 大家都知道，佛跳墙系将各种山珍海味摆入去炖盅入边，细火慢炖而来既精粹。而佛跳墙最重要系火候同足料，鲍鱼、花胶、海参、金华火腿、嫩鸡、日月鱼，应有尽有，汤浓郁而骨胶原十足，入边有晒珍馐嘅香味，超正！
台湾海山酱油炒松阪猪配饭🐷
成餐饭最喜欢呢一味，原因就系超级送饭👍👍松阪猪非常嫩滑，唔会韧不特止，仲唔会有筋同肥膏位，口感十足。连同彩椒及本菇一齐用海山酱油去炒，令到成个𩠌好开胃，好味有营养！
稻埕牛肉自家制手作面🍜
牛肉面香港好多地方有得食，但讲到质素，呢度的牛肉面都算数一数二。牛肉炆到好软滑，油香满溢，入口即化。而面亦都系其中一大卖点，因为佢地嘅面系自家手作制，因此劲道十足，面身结实。喜欢食有咬口嘅面的朋友，千其唔好错过。 唯一系个汤我无咩印象，可能因为其他汤太出色的关系😂
午餐单人商务套餐
叫得商务套餐，食物的量当然会相应提高啦，朋友话想试下牛小排，于是就叫左呢个套餐，不过餐厅绝对无因为套餐就对味道妥协，而已有几道菜都几有惊喜！
1. 黑糖醋酿柑仔蜜
呢一道前菜，其实系黑糖醋浸车厘茄，听落好似好求其。 但其实每一粒的车厘茄都拣过，大小均匀，而且去哂头尾，唔系坊间hea 沙律个种。而且黑糖醋同柑仔蜜两者之间配合得非常好，味道夹而醒胃，系其中一道我好喜欢的𩠌。
2. 白卤水九孔鲍鱼
鲍鱼就正正常常，鲍鱼充满白卤水的味道，烟韧弹牙！而且鲍鱼下面仲会有一旧类似鱼腐的食物，口感都几得意
3. 金不换干贝螺头炖鸡汤
另一样非常足料的炖汤，干贝、大大旧螺头、鸡肉一样都唔会走你数。浓郁嘅味道而香气十足，可以饮得出火候十足 而且心机满分唔马虎。
4. 烧香凤梨芭乐安格斯牛小排
软滑浓郁的安格斯用左不薄不厚的切法提升口感，而牛与牛之间会夹住一件菠萝，两者配合得好好，而最特别系用芭乐汁来调味，令到成个牛小排有更丰富的层次！
5. 芋圆珍珠红豆汤
最后一道甜品，浓稠足料红豆汤配上珍珠、芋圆、地瓜圆等的配料，呢一餐饭作结。唯一嘅系，唔知呢个红豆汤系咪台南口味😂 味道偏甜， 如果无咁甜就会比较符合香港口味。
除咗食物之外，佢嘅茗茶都相当高质
神品巨峰乌龙茶🍇
神品高山珍清绿茶🍵
特别推介呢两种茶，乌龙茶有一阵好香的巨峰提子味，但系饮落去又唔甜，只有好清淡茶味！另一只绿茶本身对佢无咩好感，但一饮落惊为天人，因为除左清香的绿茶味之外，仲有一阵淡淡的花香味，呢一只绿茶比巨峰乌龙更襟饮！
张贴
