羲和雅苑

营业中

休息中

被片皮鸭吸引而黎，呢度嘅烤鸭有分唔同部位，唔同位置建议点唔同嘅酱，最特别嘅系鸭皮点爆炸糖，感觉好得意，不过偏油。另外有鸭胸肉点自制芥末酱，味道ok。最钟意都系用鸭腿肉点返甜酱，再用皮夹青瓜。金沙烧鱿鱼，入口有啖啖蛋黄香，不过食得多都几漏。青梅一字骨，酸酸地，份量好多。松露蚝仔煎蛋，卖相虽然普通，但有松露坐镇都唔会难食得去边，配搭得相当唔错。樱花虾海皇炒饭，饭粒分明而且干身，唔错。老北京炸酱面，好钟意呢个，捞入协醋同炸酱好香，面质似扁乌冬。牛油芝士焗大虾，芝士味浓！虾干冰草，酱汁开胃，食完咁多肉要食返呢个。黄扒鱼肚，南瓜底，鱼肚好长，真材实料。甜品试左杏仁豆腐，质地好黏，都系钟意食蛋白杏仁露多啲。