寬巷子 (已結業)

店舖坐落于靓靓地段，可以一边望住维多利亚港睇靓景食好野，餐厅装修好得意带古色古香感觉，门口有道古代嘅大门，好似穿越时空，，未坐低已好期待。「东方美人」豚骨锅用猪骨猪手做火锅汤底，入面仲有豆腐、鸭血，汤底好足料。凤梨酥非常特别，系手工豆腐，加入鲜虾、猪肉、花枝滑等等而成。本来以为只系外型似凤梨酥，原来咬开又系真系有凤梨肉，香香甜甜咁。系店舖新推介，放入锅入面煮4分钟就可以食，建议唔好过火，会令啲鲜味滚晒落汤。手握寿司滑盛合好吸引，海鲜滑整到好似寿司咁，个样几可乱真，有一刻谂过直接食~入面有鲍鱼、鲜虾、牛肉、豚肉各两件，咁就大家都岩食唔洗争。非常推介鲍鱼，大大粒鲍鱼放系上面，成粒爽口弹牙，唔会成口味精嘅感觉。肩胛肉高质，新鲜柔软有肉味，色泽分明，脂肪少肉味重。伊比利亚黑毛猪带少少脂肪边，食嘅时候几爽口，除了有肉香更有脂香~宽巷子 (尖沙咀)尖沙咀广东道3-27号海港城海运大厦地下OT G57号舖