影片
更多
2008-12-23
98 浏览
首次被選為OR的試食專員, 實為本人的榮幸, 為配合海嘯系列, 試食點為相對便宜的粥皇湯后, wa~~~~依個名真係聽都未聽過wor, 而且地理位置偏遠, 揾咗我成15分鐘, 查實係花園街太子方向街尾過馬路轉左入通菜街就到la.小店的裝修頗為簡單, 什至可以簡陋去形容, 有個開放式廚房, Dragonfire話覺得同d廚師好有交流, haha 4個人叫咗差唔多6人份量, 好明顯大家都係大食之人, 如果唔係點清枱ar~~~ 叫了兩個餐+ 兩個點心 + 一個小菜+ 一盅湯, 落單時侍應都有推介ga~~~先來兩盅湯, 我地分咗做男湯同女湯(基於佢個功能), 男湯係大斑翅燉螺頭, 比較甜美, 女湯天麻川芎白芷燉大斑頭, 有大量藥材, 味道未必人人受得了, 每盅湯分到6碗仔左右, 熱辣辣的湯, 全無味精, 好有屋企feel lei~~~~~再奉上麻醬腸粉, wow~~ 麻醬真係好抵讚ar, 好厚身, 花生味好香, 雖然腸粉唔係好滑溜, 但卻有令人想食完又食的感覺. 點心兩籠, 先來小籠包......... e~~~個樣真係好醜怪ar, 實的的咁, 一夾起都有湯汁下垂的吸引, 但食落又有內涵ga
小店的裝修頗為簡單, 什至可以簡陋去形容, 有個開放式廚房, Dragonfire話覺得同d廚師好有交流, haha 4個人叫咗差唔多6人份量, 好明顯大家都係大食之人, 如果唔係點清枱ar~~~
叫了兩個餐+ 兩個點心 + 一個小菜+ 一盅湯, 落單時侍應都有推介ga~~~
先來兩盅湯, 我地分咗做男湯同女湯(基於佢個功能), 男湯係大斑翅燉螺頭, 比較甜美, 女湯天麻川芎白芷燉大斑頭, 有大量藥材, 味道未必人人受得了, 每盅湯分到6碗仔左右, 熱辣辣的湯, 全無味精, 好有屋企feel lei~~~~~
再奉上麻醬腸粉, wow~~ 麻醬真係好抵讚ar, 好厚身, 花生味好香, 雖然腸粉唔係好滑溜, 但卻有令人想食完又食的感覺.
點心兩籠, 先來小籠包......... e~~~個樣真係好醜怪ar, 實的的咁, 一夾起都有湯汁下垂的吸引, 但食落又有內涵ga wor, 皮唔硬, 雖然冇咩湯, 但又唔會好乾, 湯汁反而慘透於肉餡之中, haha, 的確唔可以貌取包, 好buy Dragonfire那有內涵品味的地盤工人個比喻ar.
蟹籽燒賣, 豬肉同蝦的比例係7:3, 個人比較喜歡5:5分賬, 但口感幾實在, 蟹籽好多, 特別欣賞佢即叫即蒸, 夠哂熱.
再來魚蝦蟹粥, 粥底好綿, 而且好鮮甜, 但魚蝦唔算新鮮, 但蟹咬了一口, 有好鮮甜的味道連粥一併”必”出來, 都唔錯la, 算係高水準的粥.
Wa~~~到此刻已經半飽了, 但餸菜依然陸續有來. 油飯兩碗, 蒜香味重, 但完全唔油, 咁不如改名做蒜飯la, 而且飯爛爛地, 太濕la, 可能係煮的時候只落雞湯而非雞油.
海南雞, wow~~~我幾鐘意wor, 雖然明知係冰鮮雞, 但雞肉嫩滑之餘又啖啖肉, 又唔會太肥wor, 緊記要叫佢比秘製醬汁你, 因為係靈魂所在, 會令隻雞倍添惹味! 酸酸辣辣有d蒜香味, 吊味一流.
豉椒黃立倉, 識我的人都知我最憎食魚, 但依個都算係咁la, 雖然倉魚肉鞋d, 但豉椒味好重, 好入味, 以致魚肉都有好濃的豉椒, 唔腥wor.
最後的甜品要唔要都罷la, 放耐咗, 直情有層水係面, 味淡, 似溶咗的紅豆樂(可能真係), haha.
總括而言, 這間店算係海嘯期間唔想係屋企煮飯的好去處, 因為真係好有住家feel, 粥皇湯后這名改得好, 因為粥同湯算係這裡的signature item, 但能夠吸引我再來的反而是那碟麻香味十足的腸粉.
後記: 做試食專員真係唔簡單, 要好深刻咁記清每道菜的味道, 但我enjoy this job
张贴
