粥皇湯后美食城 (已結業)

老友們的邀請挑起小弟遠行的欲望，於是在聖誕期間偕同太座來個上海美食之旅。為了讓肚皮有休養生息的機會，離行前自然要吃清一點了....再次重臨，原因除了想吃清淡一點外，價錢相宜及太座一直想來也是驅使小弟再來的因由....星期天的下午，客人不多，現在食肆生意真是進入了寒冬時期，怪不得貴網也要以此地作為"經濟低迷飲食團"的第二擊了....跟太座一人叫一碗粥share，連上次吃過後印象甚佳的點心也放棄了。等旅途歸來後才找個機會再帶太座來吃吧....粥的份量不少，光是吃這個已飽得七七八八。粥底好像沒有上次的綿滑及鮮，太座的螺片太硬而且沒有什麼味道，但粥底卻不是怎樣的甜，吃進口是淡淡的。病的時侯吃就啱晒，現在吃，只覺乏味....小弟的田雞也不盡如人意，最關鍵的是田雞劏得不夠乾淨，吃時還發現有黑色的穢物在內；而且肉也不很肥美，瘦掹掹的；再者身體的部位比腿多，大感掃興 (因田雞最好吃的部份就是腿部)....比上次來吃時感覺是差了點，希望不是心理作用吧....

首次被選為OR的試食專員, 實為本人的榮幸, 為配合海嘯系列, 試食點為相對便宜的粥皇湯后, wa~~~~依個名真係聽都未聽過wor, 而且地理位置偏遠, 揾咗我成15分鐘, 查實係花園街太子方向街尾過馬路轉左入通菜街就到la.小店的裝修頗為簡單, 什至可以簡陋去形容, 有個開放式廚房, Dragonfire話覺得同d廚師好有交流, haha 4個人叫咗差唔多6人份量, 好明顯大家都係大食之人, 如果唔係點清枱ar~~~ 叫了兩個餐+ 兩個點心 + 一個小菜+ 一盅湯, 落單時侍應都有推介ga~~~先來兩盅湯, 我地分咗做男湯同女湯(基於佢個功能), 男湯係大斑翅燉螺頭, 比較甜美, 女湯天麻川芎白芷燉大斑頭, 有大量藥材, 味道未必人人受得了, 每盅湯分到6碗仔左右, 熱辣辣的湯, 全無味精, 好有屋企feel lei~~~~~再奉上麻醬腸粉, wow~~ 麻醬真係好抵讚ar, 好厚身, 花生味好香, 雖然腸粉唔係好滑溜, 但卻有令人想食完又食的感覺. 點心兩籠, 先來小籠包......... e~~~個樣真係好醜怪ar, 實的的咁, 一夾起都有湯汁下垂的吸引, 但食落又有內涵ga

今天是個很特別的日子，除了在下班前的公司Wine & Cheese"例會"中，被抽中拿到了該晚大獎之外，是夜應邀出席成為這次"鬼鼠"神秘開飯試食專員中的一員。 在兩喜臨門之下，下班後便一個箭步直達試菜餐廳，怎知道到達後發現自己成了最早到達的人。 進店後看了一看，特意選了在店中央近廚房的座位，一來可以看到全店之餘，也可以看到在廚房內的師傅們是如何"作業"的，一舉兩得。 在"八卦"之下舉頭探看廚房內的環境之際，在內的一位年紀較老的師傅，向我報以友善的微笑，這份親切感有點像是去了"飯堂"一樣，印象十分之好。於我來說，粥和湯是兩個很重要的菜色，前者製作簡單而重原味﹔而後者則在千萬樣材料中選擇配搭。每當我們感到不適之時，第一種聯想起的食物，就是粥品﹔反之當我們在日常生活的飲食中失衡時，總會想起來個滋潤補身湯水，尤以燉湯為最有效用。一種有助復原，一種有助滋補，非常重要。過了數分鐘後，編輯(?)跟另一位同事(?)和試食團的女食友也到達了。跟幾位問好之後，就是今天首個重要環節 - 選食物。最後的決定，就是要了兩個截然不同的套餐，當中包括了粥和燉湯在內。首先來的當然是早已燉好的湯水，兩個瓦製的器皿一先一

呢晚凍凍地~ 最啱就係整番碗熱辣辣嘅粥~　　叫左一個魚蝦蟹粥餐~ 有一碗斑片蝦球鮮蟹粥　＋　一碟麻醬蒸腸粉～粥已經係店中最高級一種～但係講真唔係好鮮甜～　絕對無我想像中魚蝦蟹粥般好味～可能係我祈望過高～　魚有一塊（斑塊）～蝦有三小隻（醃過的雪蝦）～蟹有一隻（街市很便宜嘅三點蟹）～說實粥底還是可以的～　但係加以上三種料出來嘅效果又普通！反而我諗只用一種或兩種但質量更好嘅材料會好ｄ～腸粉幾大碟但唔係重點～～總結：食粥大把地方好過佢～　俾多次機會下次試下佢ｄ湯水～

近來下午吃得挺清淡的，不是吃粥便是吃麵。要找一間就近而且又未吃過的頗是一樁難事，最後選擇這兒。吃完後發覺蠻不錯的，可以之後帶太座來吃吃....說到明是"粥皇湯后"，掛頭牌自然是粥及燉湯了。一向沒有甚麼湯水緣，粥倒是差不多隔天就吃。所以主力專攻這兒的粥品....望一望牆上的餐牌，看見有個魚蝦蟹粥餐，很吸引。雖然要賣成五十五大洋，但既是"魚、蝦、蟹"兼備，賣這個價錢，也是挺正常....粥端上枱一看，果然是斤両十足，一整隻三點蟹放進去，再加新鮮班片及蝦球，五十五大洋連一碟油菜，也算值得了....三點蟹的羔雖然不多，但勝在蟹肉很鮮甜。喜歡拆蟹的如小弟，慢慢拆吓拆吓，最後將之消滅殆盡，實是一種享受；班片是鮮貨，肉挺滑且也是有骨可啃的，吾之所欲也；蝦球雖然size較細隻，但吃落是頗爽口的 (是新鮮的那種爽，而不是下了梳打粉的那種)。三樣配料的水準很不錯，配合那個質地頗綿且帶點魚鮮的粥底。這一碗海鮮粥，吃得過....除粥及湯外，這裏還有小菜及點心供應。試問一碗粥加一碟菜又怎夠喉 ? 就來籠燒賣吃吃。這裏做的是傳統以豬肉餡為主的燒賣，這正合小弟的心意。自己一直很討厭那些"大蝦"燒賣。現在的蝦大多是雪藏

星期天,與男友本想去一點心食,耐何要等位,所以放棄了,到了一街之隔粥皇湯后,唔洗等!這次已是第二次的到來,所以當然叫回班片蒸腸粉! 用料夠新鮮,腸粉夠滑!另外今次叫了土魷蒸肉餅飯,鳳爪,鮮蝦韭菜餃油菜.不過我覺得土魷蒸肉餅飯,好一般,完全冇魷魚味,only好多馬啼!鳳爪-自從食過一點心後,就覺這裡好像退步了,唔夠惹味!鮮蝦韭菜餃,誰不知阿姐落錯單,來了瑤柱餃,原本都想算,但係就咁放係到,唔好意思,都冇講句,直頭想蒙混過去,過份!我在一點心2人消費$100,這餐要$89,差$10下次都係去一點心食!另外好好想想為何顧客會流失?自己好好反省!

上星期五放咗工响太子附近食晚飯,可能近中秋,認真難揾食,新志記,石岐佬全部排長龍,走番過差館個邊,比較靜D,呢度好多位,入到嚟至知原來好多檯都係留座.原本想散叫俾個伙計提醒叫個套餐抵食D,又幾好服務.食咗以下幾樣:半隻海南雞,好滑多膏但無味豉汁蒸扇貝,有D唔新鮮,蒸得過火京都骨,不過不失油菜兩碟,都幾大碟斑翅响螺湯,味道不俗,不過淨係得魚骨無响螺.湯同粥都差,可否稱皇就見仁見智.

下午有空檔....落去同兄長撐枱腳!一. 招牌腸粉套餐, $34, 有招牌斑片腸粉 + 點心 + 飲品, 腸粉現拉, 夠新鮮, 不過, 皮唔夠薄, 裡面既似鯇魚片多啲, 不過, 就有好多! 點心叫咗香茜瑤柱餃, 食唔到有瑤柱, 但大大隻, 新鮮!二. 灼菜心, $12, 一般, 有點老!三. 螺片粥, $32, 螺片薄薄的, 唔多, 大大碗, 粥底唔太綿, 清清地都唔錯!點心即蒸, 夠新鮮, 粥就試過, 一般, 下次要試下飲湯啦!

食左個B 餐, $120, 加$20 將個例牌雞轉左做半隻雞價錢Overall 合理, 食左: 半隻雞, 2個油飯, 西蘭花炒班片, 一盅雪梨湯雪梨湯, 個湯OK, 但較多油, 應該係無"pit"走面頭的油d雞夠滑, 但雞味唔算太濃, 是冰鮮雞嗎? d班片好一般, 淋左d, 唔算鮮, 但依個價又好難要求好高飯粒頗硬, 有咬口, 唔係熟到太淋, 個人頗為接受趕著走, 無食到個甜品Overall, 食物可以叫中至中上, Service 同環境遇左一般若考慮埋價錢來講, 可以比笑臉

嗰度啲雞粥好正，仲正過沙田、火炭嗰啲多多聲，啲雞好嫩之外，啲粥又好棉，又冇味精，平日下午茶只係１８元碗，抵食！

班尾翅燉響螺頭：料足賣相好，可借味不夠。小弟偏好濃湯，吃落有些像那些湯水專賣店的貨式，款款一樣味。卅十餘元，不要太奢求。土魷蒸肉餅：只見鮮魷，不見土魷。混了蝦和馬蹄，口感頗膠，豬味不足，像吃燒賣。相信亦非手打，與蓮園水準仍有距離。白粥：夠綿，出色！如能多添腐竹，更妙！

班尾翅燉響螺頭：料足賣相好，可借味不夠。小弟偏好濃湯，吃落有些像那些湯水專賣店的貨式，款款一樣味。卅十餘元，不要太奢求。土魷蒸肉餅：只見鮮魷，不見土魷。混了蝦和馬蹄，口感頗膠，豬味不足，像吃燒賣。相信亦非手打，與蓮園水準仍有距離。白粥：夠綿，出色！如能多添腐竹，更妙！

本人在一星期內,基本上每天都會去...一係午飯,一係晚飯!我在油尖旺區住左成三十年,好多餐廳我都食過!但係值得我去完再去,食完午飯,晚飯再去!就冇乜邊間.當然最重要係食物出色同價錢合理.必食推介A.湯(冇味精) B.盅飯(料多飯香) C.土魷蒸肉餅(有口感,有質感) D.泰國雞(比起其它食雞專門店更有水準) E.點心,腸粉(即叫即做)我就覺得間餐廳好用心去做,值得一讚!

雖叫粥皇湯后, 但其實湯稍淡(好像連鹽都冇落, 更冇味精, 原汁原味), 不是我那杯茶。好吃的其實是盅頭飯及套餐飯。我的最愛是土魷肉餅。我一怕肉餅的肥肉, 佢冇乜肥肉之餘更有原隻鮮蝦, 十分足料。它亦有提供點心, 鮮竹卷及沙嗲土魷均十分鮮味及足料。唯一不好是價錢稍貴, 比一般茶餐應貴兩成呢。服務方面, 最近換了一班較後生的, 殷勤許多, 至少不會黑面。總體來說, 是旺角警署一帶其中一間必食之選。

我叫開呢間的外賣的(亦遇過cyh 說鋪頭亞姐在電話中不想做我生意咁的情況)。我歡喜它的蒸餐，也會叫點心餐。每次送外賣都要頭尾用上成個鐘。而我office 距離它舖頭只係5分鐘路程。計埋搭lift都可以15分鐘。我唔介意等耐d，佢地成日話：我地係即叫即蒸，係咁耐。ok. 我每次係我lunch hour 前30分鐘叫，慢慢等佢地送來。今天，在我等左1個小時15分鐘時，我忍不住打去問，那位人兄說：黎緊的，外賣人出左去好耐了。在過多10分鐘，唔掂，好肚餓，再打去問，同一個人說：去左好耐了。唔掂。係我等到1小時40分的時，即我lunch hour 差不多結束時，我打去再問。今次，我的語氣無上兩次咁平和。開始好慶!跟住我仲慶，因為，他說：唔好意思，可能漏左單。有無搞錯，我等左咁耐，你同我講漏單!!!!!!!我慶到想標眼淚。即使個個人係電話說，唔好意思，對唔住之類的說話。但咁樣做生意，唔得禾。我打幾次電話問，佢都唔同我check 下有無落單。同我落單d 人(not him)又十下十下咁。我好嬲呀!亦好肚餓，即刻沖落樓買野食。-----呢間野，太過份了，永不錄用!!!!!!!!!!!!