叁不館

营业中

休息中

黄金鱿鱼：好少食到大大条既黄金鱿鱼，蛋黄味香浓,炸粉唔厚。啖啖既满足，送啤酒一流。火锅汤底：药膳拼麻辣。药膳汤底当归味浓郁，亦都好多配料，奶白色既汤底 大大增加食欲。麻辣汤底就更加唔使讲，色香味俱全。顶级牛颈脊：食牛肉最怕就系切到太薄，夹两野就散。呢份牛颈脊厚度适中，有咬口。雪花文嘅脂肪分布，一睇就知质素如何。食落口亦都冇令人失望，牛肉味浓郁，亦都唔会有筋，食完一碟都感觉意犹未尽想食多碟。牛柏叶：份量适中，牛柏叶几新鲜同爽口,配埋麻辣汤底简直无得输。墨鱼滑： 拳头咁大粒嘅墨鱼滑，份量有返咁上下。食落亦都好弹牙有墨鱼滑香，如果有埋墨汁版嘅更加好。响铃：新鲜现炸，落水3秒就食得。一份有八条，份量算多。其他：叫咗啲蔬菜拼盘同薯粉同等等，正常发挥 无镬气。饮品：叫咗一Jar薏米水，解一解油腻，有柠檬味，唔会太甜，都几好饮。总结：食物及汤底都10分讲究，食材新鲜，份量亦都颇大。环境宽敞唔会太逼夹，钟意怀旧但对食物质素有要求嘅你不妨一试。