川府宴 (已結業)

一入到去就一种高级嘅感觉，装修都几精致，墙上面有唔同富有中国特色嘅面谱，佢亦都摆咗好多唔同种类嘅酒樽，感觉上好高级！两个人叫咗四个𩠌食完啱啱好够饱！泡椒跳水蛙 - 望落份量比想像中少。食落应该有一只水蛙，今次叫咗小辣，完全可以接受，佢个辣味好过瘾，系慢嘅辣，唔会话一食就超级辣食唔到下一嚿，呢只系后劲比较强。清炒莴笋丝 - 味道清甜，莴笋好爽口，食完水蛙再食呢个完全可以解辣。红油抄手 - 因为佢有好多辣椒油，所以睇落好似好辣咁。食落少少麻但系唔系太辣。入面嘅馅好Juicy干锅菜花 - 成煲都系菜花，唔会太油，好健康。入面仲有啲烟肉，但味道较咸。整体来讲佢啲辣嘅菜式都做得非常出色，下次会嚟食下佢个火锅。