影片
更多
2024-10-20
944 浏览
话说之前都有睇开YT有channel介绍呢间素年，睇过佢既装潢都几清新，同一般的素食店形象比较下好特别，觉得呢间餐厅真心唔错。餐厅装修偏文青cafe feel，出面有几个位可以俾客人坐低慢慢叹下杯咖啡。里面环境都几幽静好chill，墙边放左一个大的书架，上面有好多书本之外，亦都有好多本地农夫整既产品，如果想支持下本地农夫都可以顺便买埋既~餐品种类都几多选择乜都有啲，餐牌图文并茂所以都唔难理解内容，菜名仲会仔细介绍里面有啲咩食材，有啲对坚果过敏或其他食物过敏既朋友可以放心用餐。另一半胃口比较大啲，我地点左一份菠菜忌廉汁带子意大利粉、一份蜜汁烤叉烧菠萝汉堡同一份越式沙嗲羊肉串烧替卷拼盘。先讲碟菠菜忌廉汁带子意大利粉，上面个两块"带子"真系好似样，主要系用杏鲍菇整的，都煎得几香脆。而意粉个部份真系无得弹，菠菜酱汁好浓郁，入口个下先系有种甜味前调，之后菠菜汁混住奶油的香味充斥系口腔度，真系好好食。意粉的硬度不硬亦唔淋，酱汁充份包裹到意粉之余食起上黎唔会杰得滞𢳂唔到。真系估唔到碟意粉系无肉的情况之下有咁高水准。蜜汁烤叉烧菠萝汉堡份量都几大下，配菜菠萝系新鲜切的唔系个种罐头菠萝片hea人，薯条几香
餐厅装修偏文青cafe feel，出面有几个位可以俾客人坐低慢慢叹下杯咖啡。
里面环境都几幽静好chill，墙边放左一个大的书架，上面有好多书本之外，亦都有好多本地农夫整既产品，如果想支持下本地农夫都可以顺便买埋既~餐品种类都几多选择乜都有啲，餐牌图文并茂所以都唔难理解内容，菜名仲会仔细介绍里面有啲咩食材，有啲对坚果过敏或其他食物过敏既朋友可以放心用餐。
另一半胃口比较大啲，我地点左一份菠菜忌廉汁带子意大利粉、一份蜜汁烤叉烧菠萝汉堡同一份越式沙嗲羊肉串烧替卷拼盘。先讲碟菠菜忌廉汁带子意大利粉，上面个两块"带子"真系好似样，主要系用杏鲍菇整的，都煎得几香脆。而意粉个部份真系无得弹，菠菜酱汁好浓郁，入口个下先系有种甜味前调，之后菠菜汁混住奶油的香味充斥系口腔度，真系好好食。意粉的硬度不硬亦唔淋，酱汁充份包裹到意粉之余食起上黎唔会杰得滞𢳂唔到。真系估唔到碟意粉系无肉的情况之下有咁高水准。
蜜汁烤叉烧菠萝汉堡份量都几大下，配菜菠萝系新鲜切的唔系个种罐头菠萝片hea人，薯条几香口盐量岩岩好，香料的味道都几吸引。面包口感比较偏硬，应该系纯手工整出黎无加人工香精所以食落去有淡淡的小麦香味，考虑到健康呢种面包先理想。汉堡里面配埋啲榄菜都几夹，而"汉堡肉"都几香脆，甜甜的叉烧酱都几易入口，赞。
越式沙嗲羊肉串烧替卷拼盘都几多内容，里面的酸种面包都几烟烟韧韧同汉堡个面包一样有阵淡淡的小麦香味。番薯虾片啲虾片香脆之余虾味十足，无油腻感。蔬菜春卷的味道不过不失，馅料都几多菜，甜甜地都几好食。素羊肉天贝串烧味道都几有趣，不失系一个唔错的选择。
至于饮品我地拣左一杯泰式燕麦奶同一杯冻斯里兰卡伯爵茶，泰式燕麦奶真心唔错，而且仲有拉花图案味道唔错，甜度微甜。斯里兰卡伯爵茶茶底都几香茶唔会太涩。
整体餐厅用餐体验良好，他日同朋友聚餐呢间餐厅会系优先考虑list里面，食物素质真系唔错，值得一赞。餐厅整体体验
张贴
