炉端金 (已結業)

高级放题@尖沙咀好耐无食过放题，原来宜家啲放题咁高级，有筑地直送嘅鱼刺身 点啲酸汁食，开胃啲，就可以食多啲啦～刺身拼盘种类好多，出哂烟咁好靓仔下！特别啲嘅有海胆同蟹钳，蟹钳拆哂壳又鲜甜，好高质 其他刺身都好新鲜。连龙虾都有，好豪华，哈哈！一样系开哂边，唔驶点拆壳就食到，好好。生蚝系出出面攞嘅，开定哂自己攞，唔驶等。食几多攞几多都得，真系好好 有两个唔同产地嘅生蚝，钟意食爽口定系 creamy 都满足到！寿司都整得几靓，寿司、卷物、军舰同花之恋都有好多唔同嘅款。我哋主力系卷物，因为卷物会多啲创意啲海胆都几多，质素唔错～至于啲饮品真系令我几喜出望外，好多放题都有酒饮，但呢度齐全到一个点 红白酒、rose、梅酒、吟酿同柚子酒，应有尽有！就算唔饮酒都有好多选择，连花茶都有！有咁多酒饮，就点咗份鳕鱼片送酒，脆卜卜好好食，非常 chill 惹味嘅串烧都啱送酒㗎，哈哈！一夜干都有，我真系服得好紧要 一夜干呢种制法会令鱼嘅肉质扎实啲，食咗唔少刺身再食呢啲，系另一种风味～点咗虾天妇罗、南瓜、蕃薯呢啲，仲有啲菇，味道都唔错。酒鬼们仲点咗个清酒煮蚬，哈哈～有甜品柜嘅自家制甜品，又有雪糕、雪条、雪米糍呢啲。