花楽 (北京道1號)

营业中

休息中

天气转凉就要食涮涮锅，今日去咗北京道嘅花乐，叫咗$598 大满足火锅放题，个寿喜烧汤底，甜甜地，唔会太咸，一开始都好大份量，食到尾都唔使加汤。蔬菜拼盘份量足，有唔同菇类同菜，仲有豆腐，讲真比寿喜烧腌到入哂味嘅豆腐真系好好！其实上锅之前都有一份开胃前菜，甜味为主，但几开胃，另外仲有刺身三点，三文鱼厚身，吞拿鱼新鲜，仲有一款油脂丰厚嘅鱼生，总之就系鱼油嘅盛宴，绝对唔好因为系前菜而小看佢（仲有原来三文鱼刺身系可以任食㗎！）。肉类有日本A4+和牛、安格斯牛肉同鹿儿岛黑豚，和牛牛味十足，油脂分布匀衡，入口即化，系温和而浓郁嘅味道；安格斯牛肉就一如以往嘅结实，但同样有浓浓嘅牛香；鹿儿岛黑豚完全唔粗糙，肉质紧致。加埋新鲜海鲜任食嘅海鲜拼盘，入面有生蚝、大虾、蚬同青口，样样都鲜味非常，每样都系大大只、啖啖肉，系海鲜爱好者嘅大满足之选，如果加钱仲可以有生蚝任食！跟餐仲有日式手调饮品，我哋叫嘅系抹茶牛奶，绿茶味浓，仲可以见到抹茶粉，而佢啤酒同汽水系可以任饮㗎！！听讲可以用$99优惠价追加清酒放题（有獭祭）！！ 仲有原来佢逢星期四同星期日寿司刺身都有半价优惠！！下次都可以嚟试下。