希鳥

营业中

休息中

同回流返香港嘅朋友约食饭，好耐无见想拣间环境好啲又可以自在倾计嘅高级餐厅，所以就拣咗希鸟。餐厅门口简约，但又设计得好对称，忍唔住打个卡。餐厅灯光昏暗，系一个非常好嘅倾计环境。我哋仲点咗杯啤酒同橙汁，边倾边等上菜。我哋坐喺餐厅中间位置，可以望住主厨为我哋准备食物。餐厅好周到问我哋介唔介入食内脏，如果唔食都可以转食鸡肉串烧。另外，值得一赞嘅系侍应见我哋外套放大脾唔方便就主动提议帮我哋挂起，非常贴心。饮完鸡肉丸清鸡汤同埋食完鸡颈肉串烧之后，系一道好冲击味蕾嘅𩠌！低温处理嘅鸡胸肉唔会太鞋，配埋牛油果同烧鸡皮，三种口感一齐食好丰富，仲有个酸酸甜甜酱汁系点睛！之后道菜师傅用咗日本皇室御用嘅紫菜配鸡刺身同埋三文鱼子。鸡刺身食落有啲似口味淡啲嘅鱼刺身，好新奇。跟住落嚟就系鸡肝酱配威化饼，加埋啲果干食落去唔会太肥腻，系一个好新鲜嘅配搭。下一道菜系烧鸡大胸配干葱，鸡大胸食落去一啲都唔鞋，师傅亦都会建议第二嚿肉落少少调味料，等我哋有唔同体验。鸡冠茶碗蒸一攞出嚟系非常之热，佢质地食落去唔系平时嘅蒸水蛋咁，系比较清淡，鸡冠口感似带子边。食完之后又到返串烧，今次系鸡心串烧。鸡心喺出面比较难食到，食落去唔会有内脏嘅