潮藝館

营业中

休息中

难得出咗bonus 一定要食餐好嘅，睇咗isquare 入边有间高级潮州菜，一于去试一试。一去到门面非常光鲜，完全系有fine dine嘅感觉， 侍应亲切有礼，入到去非常之舒服，有宾至如归嘅感觉。首先我哋嗌咗第一道开胃菜，话梅凉瓜，酸酸甜甜咁，特别开胃。之后我哋嗌咗个汤，非常之高贵嘅菠菜蟹肉羹，用满满嘅菠菜打成用，再加上淡淡嘅蟹肉，用个小蜡烛热住佢，可以睇得出餐厅嘅细心之外。开始进入主菜，普宁炸豆腐，豆腐外脆内软，加埋普宁酱，相映成趣。食潮州嘢边少得冻鱼，我哋十分好彩，今日嘅冻鱼马友，师傅非常细心，已经起好骨切好晒，一啖咬落去配埋普宁酱，鱼肉非常之嫩滑。另外一味主菜，亦都系每一次去潮州菜馆一定要食嘅，就系避风塘炒蟹，毫无疑问呢只肉蟹非常鲜甜，外面嘅蒜蓉配埋蟹肉一啖咬落去，唔会非常太辣抢咗蟹肉嘅味，可以平衡到两者嘅味道。最后我哋甜品拣咗桂花糕，一嚟到非常之惊艳，连个桂花糕都可以咁有心思整到成朵花咁，仲要佢唔系好甜，可以清清喉咙，为今个晚餐做一个完美既句号。