潮藝館

营业中

休息中

咁我难得收早就同朋友去试吓新嘢，知道尖沙咀iSquare有间食潮州菜好出名，就去试吓地铁站行5分钟就到，装修简单，而且街景十分美丽，我哋两人叫咗几样小菜同埋头盘，首先话梅凉瓜，作为开胃菜，简直冇得弹，酸酸甜甜食落去有口感，之后嗌咗普宁炸豆腐，炸得好香口，而且唔会过熟，菠菜蟹肉羹，蟹肉加埋菠菜啖啖肉，而且唔会好结，加上有个蜡烛keep住温度，成件事好窝心，之后嗌咗避风塘炒蟹，味道炒得好香口，加上蒜蓉同埋辣椒，简直系锦上添花，蟹肉嘅比例非常多加上蟹膏，同埋每一个部位蟹肉都好满写，再者我哋点咗冻马友，马友冻冻地食好有口感，加上鱼子酱，食落去更上一层楼，之后点左普宁炒蔬菜，普宁嘅酱汁用嚟炒菜简直系冇得弹，系我食过咁好最好食嘅一次菜，甜品方便点左桂花糕，食落去好弹牙，而且桂花嘅味道好突出，呢餐饭整体嚟讲食得好满足，除此之外呢度嘅服务质素亦都很好，会为你讲解每一道菜嘅名称，而且会推介店内有啲咩好食，下次可以同屋企人再嚟试吓。