One More Hotpot 來一鍋 (已結業)

同友人胃口大开，想食火锅放题，友人就喺openrice揾到呢间。book左18:30，去到水静鹅飞，得两枱打紧。被安排坐卡位，中式放题西式格局，都几格格不入。叫左药膳汤底餐，花胶螺头鸡，但冇哂螺头，其他汤底又唔啱心水，所以都系照叫。餐纸上可以任点，肉同埋创作配料就跟人头俾。最惊喜系有红酒白酒任饮，虽然同火锅唔夹，但第一次有餐厅供应，所以都叫左杯红酒试下。啤酒最正，个啤酒杯雪埋，超冰冻，打边炉一流。汤底有埋半只鸡，都几阻住，要就住黎渌，拎走又惊汤底冇咁浓......呢个牛好正，不过系计人头俾，冇得encore。第一次食咁长嘅响铃同鱼皮，鱼皮炸到好香好脆，响铃相比之下失色，一啲都唔脆。叫左好多野，间野好贴心地好似high tea咁放，方便拎。友人喺食评见到有甜品送，就问下侍应系咪有心太软。火锅店嘅心太软竟然好味过一般甜品铺，估唔到。不过间野唔够主动，要客问先送甜品。