Mango Tree

营业中

休息中

家人钟意食泰菜，想揾间坐得舒服又有少少景睇嘅泰菜，非芒果树莫属。早个几星期订位，成功留左窗口位。一行四人，点左好多野，同四杯野饮。大虾柚子沙律，满口清新，虾好新鲜，开开胃先。冬荫功好浓虾味，虾有好多膏，汤底较清，唔太辣，不错。再黎猪颈肉同沙嗲，略嫌猪颈肉烧得唔够㶶唔够香口。沙嗲中规中矩，家人钟意啖啖肉。炒椰菜苗好食，好嫩冇渣。粉丝虾煲有最少四边大虾，好弹牙，粉丝索晒鲜味，正！而芒果蟹肉炒饭就light少少，冇咁㶶味，平衡番。最后叫左三个甜品，一个椰汁马蹄冰、一个芒果糯米饭同埋芒果芝士蛋糕。由于同家人庆祝生日，餐厅都帮手点上生日蜡烛。最后埋单$1700，为番一人四百几，作为泰菜fine dining，加少少景观，算系唔错。