翠華餐廳 (已結業)

喺附近谂唔到食乜好，不如就食翠华啦！翠华比我嘅印象一向都系贵价嘅茶餐厅，都系一般茶餐厅野，但价钱就贵两三成。今日心血来潮，就走入去帮衬下啦。同老婆两个人叫咗两个餐，都系基本野，一个铁板什扒，一个焗猪扒饭。铁板什扒非常足料，大大份，有齐鸡扒、牛扒、猪扒、肠仔、烟肉、火腿、薯菜。三种扒类都非常新鲜，黑椒汁好味，当中最惊喜嘅就系牛扒同薯菜。牛扒系典型茶餐厅牛扒，惊喜在佢系厚切嘅。至于薯菜系薯角，冇谂过茶餐厅嘅配菜除咗装饰之外，都系香脆好食嘅。老婆嘅焗猪扒饭，都系好足料，有整整一大块厚厚嘅猪扒。个汁有好浓嘅番茄味，系用新鲜蕃茄整成嘅，伴一大块厚切番茄，都几有诚意。焗饭表面，仲铺满芝士，焗溶左，更香浓好味。食完呢餐之后，令我对翠华都有少少改观。原来佢唔单止价格比普通茶餐厅贵多少，质素都有返咁上下保证，确实系比一般嘅茶餐厅出色。