利寶閣 (已結業)

今日小编就嚟到利宝阁，食下全网热烈讨论嘅6月全新晚市放题Menu，因为全因佢哋够胆死主打龙趸四食、百日澳洲草饲小牛牛板脊任食套餐，啱晒好似小编呢啲贪小便宜又想食返个够本嘅贫友。-佢哋会送京式片皮鸭、每人1盅原盅佛跳墙、每2人仲会送顶级爆膏奄仔蟹。咁当然啦呢三款就无得无限encore，人哋系咪唔洗咗生意先玩咩，呢个质素呢个价钱真系可以谢天谢地。小编真系好钟意佢哋嘅佛跳墙好鬼鲜甜大佬真系顶唔紧！将所有材料嘅精华都熬入个汤入面，小编饮咗一啖咁大把都已经觉得皮肤靓咗身体健康咗（夸张mode）。佢哋嘅爆膏奄仔蟹真系唔好讲经，小编食到连每一只手指都吮埋点搞啊！-佢哋仲有好多正到爆嘅任嗌中菜，好似咸香金沙虾、胡椒白酒海虾、椒盐排骨、上海烤麸、蒜蓉粉丝扇贝、菠萝咕噜肉、杨枝甘露等等，小编真系癫咗咁encore真系唔好意思嗌到，相信个晚肥咗几百磅但真系心甘情愿不讲经。