影片
更多
2024-02-24
1508 浏览
差唔多6:00去到酒店，酒店很好，安排了一张窗边二人枱，很惊喜，可以望到尖东夜景食晚餐，望到尖东嘅夜景心情都靓啲，哈哈，讲返食物先，日式刺身OK有马刀贝帆立贝都唔错，冻龙虾都几好，虾膏都算甜美甘香，法国面包系啲蟹膏都好甜，当晚有个炖汤淮山炖姬松茸呢个汤好正好清甜，食物整体上都OK嘅，但最特别系竟然有鸿福堂嘅凉茶饮仲有好多怀旧零食，虽然唔系咩贵嘢，但都好好玩，整体上今次酒店用餐感觉唔错，起码冇退步，呢个要俾个like不过喺食饭嘅途中就发生咗一啲唔系咁开心嘅嘢，不过呢啲嘢唔关酒店事嘅，酒店安排𠮶张二人嘅窗口枱，其实位置都好正，离开沙律吧同攞炖汤嘅位置都系五呎左右，攞食物好方便风景又靓，喺我隔篱系一张圆枱，正确嚟讲应该系叫做我嘅后面，当时坐咗一男两女，其实有段安排嘅枱与枱都唔系话特别挤迫，不过喺我食紧嘢嘅途中突然间头顶有啲冻嘅水洒落嚟，我回头一望没有乘客经过，因为我旁边五尺左右已经系一个可以攞炖汤嘅地方，但系洒落嚟嘅水系冻嘅一定唔系热汤，我又望吓会唔会系工作人员就收拾碗碟嘅时候有啲汤汁弹咗过嚟，但系又唔见有工作人员㖞，咁我又意识到应该系后面𠮶个人食嘢嘅时候冇心弹咗啲汁过嚟，不过冇受伤自己攞纸
不过喺食饭嘅途中就发生咗一啲唔系咁开心嘅嘢，不过呢啲嘢唔关酒店事嘅，酒店安排𠮶张二人嘅窗口枱，其实位置都好正，离开沙律吧同攞炖汤嘅位置都系五呎左右，攞食物好方便风景又靓，喺我隔篱系一张圆枱，正确嚟讲应该系叫做我嘅后面，当时坐咗一男两女，其实有段安排嘅枱与枱都唔系话特别挤迫，不过喺我食紧嘢嘅途中突然间头顶有啲冻嘅水洒落嚟，我回头一望没有乘客经过，因为我旁边五尺左右已经系一个可以攞炖汤嘅地方，但系洒落嚟嘅水系冻嘅一定唔系热汤，我又望吓会唔会系工作人员就收拾碗碟嘅时候有啲汤汁弹咗过嚟，但系又唔见有工作人员㖞，咁我又意识到应该系后面𠮶个人食嘢嘅时候冇心弹咗啲汁过嚟，不过冇受伤自己攞纸巾抹干净个头就算啦，我谂人哋都系冇心嘅，一路都冇乜摆响心度，大家出嚟食饭都系想开心啫，OK食完晚餐离开座位，我先惊觉我挂喺我张凳背后件外套俾佢射到一pat pat白色嘅物体🥵（做乜咁兴奋）喺啲半固体嘅物质，原来唔系净系射到我个头，连𠮶件外套都射到，我谂呢啲白色物质系半固体嘅龙虾膏（呢个系我估嘅）因为当晚我食龙虾有啲虾膏系半固体，再加上冻龙虾你攞支钢叉撩D肉嘅时候系好容易失手，因为只龙虾都几爽弹，开头我谂你射到我个头嘅时候系冇心嘅，但系你射污糟我件外套明知又唔话俾我听，就系故意我望一望佢哋喺度仲扮唔知，老实讲我背后得你三条友喺度食饭同时又冇人可以行到入去我同佢哋之间𠮶个位置，有都系佢哋自己行，你整污糟我件衫咁嘅情况，你应该早啲话我听等我清洁咗件衫都好呀，（佢唔出声可能惊我打佢挂）所以我觉得酒店食物同环境系高质嘅，但系啲客又cheap啲啰，整污糟我件衫扮唔知扮冇事，睇佢哋着得斯斯文文竟然系斯文败类，咁我倒返转谂好彩𠮶日系做完运动去食饭我，件外套唔系贵价嘢污糟咗都冇咁心痛！
题外话/补充资料：
其实后段发生嘅事唔关酒店事，只系想提下大家遇到咁嘅情况留意一下.。
(以上食记乃用户个人意见 , 并不代表OpenRice之观点。)
张贴
