影片
更多
2022-11-02
740 浏览
放工同朋友们一行四人，去咗尖沙咀食饭聚旧，大家都系食肉兽，食韩烧就最适合不过🔥。其中一人提议食「韩珍」，佢之前帮衬过，对餐厅赞不绝口。餐厅平日晚上都好爆场，人气极高。呢度环境算唔错，最重要系抽风系统好，食完个身都无一浸味👍，另外仲设有包箱房间。未正式开餐前，店员先端上一大堆韩式前菜小食，望落七彩缤纷🌈，而食落就非常开胃。🥗沙律菜大大碗，生菜翠绿，麻酱恰到好处。其他前菜仲有泡菜、菠菜、芽菜、酸萝卜、鸡蛋紫菜卷同干鱼仔等🐟。韩式凉拌青瓜，青瓜浸泡于柚子汁之中🍊，中间夹杂住冬菇同红椒，口感爽脆，而且味道甜甜的，相比起普通青瓜更显清新🥒。宫廷九节板，呢个系古代嘅韩式宫廷料理，造型精致。🍱叫得九节板就系指由多种食材组成，圆薄饼有一定厚度，口感烟韧，并可按自己喜好放上配料🫓，包括牛肉碎、红萝卜、冬菇、翠玉瓜、蛋丝、芽菜同青瓜，而不得不提嘅系个芥末汁，加少少一齐食好搭调，兼且精神为之一振！酱油蟹配牛油饭，喺香港好少地方有得食酱油蟹，而有质素嘅更加系寥寥可数。韩珍特意聘请韩国师傅嚟港主理，腌制酱油蟹，口味正宗。🦀蟹肉味道超鲜甜，肉质软绵，蟹膏澎湃，一啲腥味都冇。食完之后，蟹嘅鲜香一直停留喺口中，再食啖
放工同朋友们一行四人，去咗尖沙咀食饭聚旧，大家都系食肉兽，食韩烧就最适合不过🔥。其中一人提议食「韩珍」，佢之前帮衬过，对餐厅赞不绝口。
餐厅平日晚上都好爆场，人气极高。呢度环境算唔错，最重要系抽风系统好，食完个身都无一浸味👍，另外仲设有包箱房间。
未正式开餐前，店员先端上一大堆韩式前菜小食，望落七彩缤纷🌈，而食落就非常开胃。🥗沙律菜大大碗，生菜翠绿，麻酱恰到好处。其他前菜仲有泡菜、菠菜、芽菜、酸萝卜、鸡蛋紫菜卷同干鱼仔等🐟。
韩式凉拌青瓜，青瓜浸泡于柚子汁之中🍊，中间夹杂住冬菇同红椒，口感爽脆，而且味道甜甜的，相比起普通青瓜更显清新🥒。
宫廷九节板
32 浏览
0 赞好
0 留言
酱油蟹配牛油饭
29 浏览
0 赞好
0 留言
酱油蟹配牛油饭，喺香港好少地方有得食酱油蟹，而有质素嘅更加系寥寥可数。韩珍特意聘请韩国师傅嚟港主理，腌制酱油蟹，口味正宗。🦀蟹肉味道超鲜甜，肉质软绵，蟹膏澎湃，一啲腥味都冇。食完之后，蟹嘅鲜香一直停留喺口中，再食啖牛油饭🍚，又化成另一种滋味。
炸蛋梳乎厘，🍳梳乎厘蛋用铁锅装住热辣辣送上，鸡蛋打到好松好泡，不过食落又唔算一浸风。梳乎厘蛋上面加咗块热溶芝士🧀，以添咸香，但食到尾段就浓味咗啲，味道亦比较单调。
韩式薯仔煎饼
48 浏览
0 赞好
0 留言
接住落嚟就系全晚嘅高潮部份😋：烧牛肉！我哋要咗三款唔同嘅牛，每款各有特色。值得一提嘅系佢连个烧烤炉都系靓嘢，易洁质地，唔易烧㶶。呢度服务好好，如有需要，可请店员代劳烧烤。
90日熟成肉眼牛扒
17 浏览
0 赞好
0 留言
90日熟成肉眼牛扒🥩，Dry-aged熟成嘅处理方法耗时及花功夫。店员介绍餐厅选用美国USDA Prime牛扒，屠宰后就迅速上飞机到香港，然后再放喺特定温度下进行90日嘅发酵。你谂吓，啲牛扒要等成至少3个月先食得，难怪价钱会高🌟！
讲咗咁多其实都只系纸上谈兵，几时都系放入口先最实际🙈。熟成肉眼扒无令人失望，佢所散发嘅肉味与别不同，牛味浓郁，油份好重，但并非指有好多肥膏，反而系有少少似鹅肝嘅香气，好特别！同时，牛扒重300g，咁嘅Size先足以让客人品尝到完整嘅肉感🐮。市面上好少见拎一件咁厚嘅扒去烧，可惜我哋烧得轻轻过咗火，但件扒靓，所以影响不大。
调味特级牛肋骨
10 浏览
0 赞好
0 留言
雪花牛肉，喺有比较嘅情况下，雪花牛相对平庸❄️，因为上面两样实在太出众啦。牛肉片有质素，雪花纹理平均，食落多汁。呢款我建议可蘸烧烤酱或盐粒食，吊一吊味，甚或包生菜食。
韩式猪手
18 浏览
0 赞好
0 留言
葛根辣拌冷面，🍜最后就系水冷面，有原味或辣味可选。从图片可清晰见到我拣咗辣味，皆因面条同底汁均系一片红，辣度显著🌶，幸好可倒入麻酱同醋调和一下。葛根面条稍为淋身，如果爽啲更佳。
线括嚟讲，韩珍行高级韩国料理店嘅路线🇰🇷，采用上乘食材，配合埋地道嘅烹调手法，制作出各款佳肴。朋友果然识饮识食，无介绍错，我哋全部都好满意食物质素，过咗一个愉快嘅晚上😁。
张贴
