彩福欣宴 (已結業)

喺荃湾彩福婚宴饮过喜酒，地方宽敞，装修华丽。今次朋友约喺佐放敦嘅彩福酒楼叹下午茶，入到大堂装修同样富丽堂皇，坐得都几舒服。下午茶点心纸都好多选择，其中有张是获奖点心纸，梗系要落单。龙皇野菌肠$30 肠粉皮晶莹够薄，内里野菌被粉皮包著，咬落口脆脆多汁美味。原只鲍鱼烧卖皇$35卖相几矜贵，鲍鱼腍滑，有肉汁鲜甜可口，卖烧卖弹牙。芝心海皇千丝春卷$33看得又好味，外皮炸得脆脆，春卷点上喼汁更提升口感，咬开啖啖芝士流入口胸，极美味。旋风黄金流沙包$30外皮软熟，掰开个包啲黄金流沙慢慢流出，香滑好味，不过小朋友进食就要留心，免得流沙汁烫伤口唇。海皇太子饺$28太子饺卖相好精致，有肉汁，啲皮就稍厚，尚算好食。黑松露小笼包$28小笼包多肉汁，黑松露味唔够浓，啲皮能再薄会更加美味。北菇棉花鸡$25好大碟有成三块厚身嘅鱼肚，鸡件滑滑溜，冬菇爽而脆口，呢碟系俾一般酒楼嘅棉花鸡更好吃。鲜茄肉松浸菜苗$44菜苗系畀浓浓上汤浸入，又有鲜茄粒粒酸甜，菜苗青绿爽脆好吃，值得一赞。再叫二客燕窝炖椰皇食落啖啖燕窝蓉，椰皇清香，又唔太甜，连内里椰皇片都可以食埋，好完美。朋友话喺个咁靓环境，望住城堡慢慢叹茶系一个享受。