一樂燒鵝

营业中

休息中

今日突然想买烧鹅去朋友屋企gathering，谂起佢啲烧鹅驰名海外，长期都有人喺门口排队，我咪打定电话去落单，唔使热唔使淋雨唔使等，点知铺头员工急口令式回覆我：「你过嚟买啦，多谢」就收线。大约11:00am 我去到铺头，门口已经有八人排队，我落单时多嘴问一次，系咪冇电话落单？后生啲嘅女员工答我：「冇，未俾钱点做？你要整定先，你就落嚟俾俾钱先！」（我心想，😳落得嚟俾得钱，咁你又点整定先呀？）我等烧鹅时又问下老板娘，最初佢晤出声回答，只不断用交叉手势示意，之后说：「冇！你唔钟意就唔好嚟帮衬！你唔钟意就唔好嚟帮衬？！」呢间舖头啲烧鹅系好食嘅，皮脆肉嫩，肉和骨都入味，我家中嘅长辈一向唔食啲重口味食物，佢都赞口不绝。不过，冇电话落单、外卖自取服务却令我减低再次帮衬嘅意欲。可能系我低估咗呢啲冇装修嘅（高级）食肆嘅服务，同埋呢间铺只会对非广东话人有礼貌嘅。