影片
更多
2023-09-13
2718 浏览
再访和缘，今次就试吓佢夜晚嘅omakase ，直头系深深感受到贫穷限制咗我对奢华嘅想像😂 signature 嘅大拖罗、白虾加埋北海道马粪海胆， 底系天妇罗紫菜而上面就系红菜头泡沫，香脆嘅天妇罗配埋各种鲜味嘅海鲜，真系要分几啖食，慢慢享受☺️ 当日嘅刺身有爱缓蜜甘鲷、石垣贝同黑鯥，黑鯥永远都系我嘅最爱，仲要加咗乌鱼子碎真系好夹。天妇罗辽参包住海虾，辽参keep住应有嘅口感，配埋新鲜海虾，同埋碟上嘅梅子盐、柚子盐同七味盐，令相对淡味辽参添上一份色彩☺️ 茶碗蒸加埋日本北海道生蚝，生蚝极大只，而且煎过好香口，鲜味落咗落茶碗蒸上面，令一个普通嘅茶碗蒸都变到成为一个主角☺️ 冬瓜汤加左北海道象拔蚌同埋竹笙，北海道象拔蚌仍然爽口唔会过熟，海鲜嘅鲜味更加攞晒落个汤底，同埋个竹笙吸晒啲汁，饮落好舒服☺️ 天妇罗天草地蛤又系另一杰作，实在无谂过咁样炸贝壳类仲keep到水份，配埋抹茶盐食都几出色。鹿儿岛西冷和牛配菠菜芝麻酱，和牛西冷肉味浓同嫩，配上即磨黑松露片，佢哋嘅黑松露醋汁都几惊喜，仲可以解解腻！北海道马粪海胆手卷，简直都唔需要讲太多，鲜甜！甜品嘅自家制wasabi sorbet 同红豆和菓子配宇治抹茶都唔
signature 嘅大拖罗、白虾加埋北海道马粪海胆， 底系天妇罗紫菜而上面就系红菜头泡沫，香脆嘅天妇罗配埋各种鲜味嘅海鲜，真系要分几啖食，慢慢享受☺️
当日嘅刺身有爱缓蜜甘鲷、石垣贝同黑鯥，黑鯥永远都系我嘅最爱，仲要加咗乌鱼子碎真系好夹。
天妇罗辽参包住海虾，辽参keep住应有嘅口感，配埋新鲜海虾，同埋碟上嘅梅子盐、柚子盐同七味盐，令相对淡味辽参添上一份色彩☺️
茶碗蒸加埋日本北海道生蚝，生蚝极大只，而且煎过好香口，鲜味落咗落茶碗蒸上面，令一个普通嘅茶碗蒸都变到成为一个主角☺️
冬瓜汤加左北海道象拔蚌同埋竹笙，北海道象拔蚌仍然爽口唔会过熟，海鲜嘅鲜味更加攞晒落个汤底，同埋个竹笙吸晒啲汁，饮落好舒服☺️
天妇罗天草地蛤又系另一杰作，实在无谂过咁样炸贝壳类仲keep到水份，配埋抹茶盐食都几出色。
鹿儿岛西冷和牛配菠菜芝麻酱，和牛西冷肉味浓同嫩，配上即磨黑松露片，佢哋嘅黑松露醋汁都几惊喜，仲可以解解腻！
北海道马粪海胆手卷，简直都唔需要讲太多，鲜甜！
甜品嘅自家制wasabi sorbet 同红豆和菓子配宇治抹茶都唔错，前者奶香但带有少少辣，都几清新；后者宇治抹茶嘅回甘加埋少少甜嘅红豆菓果子，两平衡得好好，为呢一餐划上左个美好嘅句号☺️
张贴
