影片
更多
2016-08-31
551 浏览
自助餐呢样野，年中真系食唔少，日本菜同样一样。但今晚就食左一样比较少见既"组合"。适逢今日睇完奥运国家队系香港做既show，于是就出去医下肚，去左铜锣湾揾食。而家自己就比较钟意去登龙街果边，因为越开越多食肆，可以一次过慢慢睇。拣左一间位于29楼既餐厅。餐厅环境舒服，几有情调，仲有室外既位置可以望住风景食野，都几吸引。餐牌上面有日式主食，而点左主食之后就可以享用出面既食物同埋order寿司，姐系日本菜crossover自助餐。出面都几多野食，偏向日式，有鹅肝，章鱼小丸子，刺身，卷物，荞麦面，青口，长脚蟹，天妇罗等等。出面既半自助区，当然系鹅肝天下。虽然鹅肝果度长期有只碟系度，但想影张相都影唔到。因为全部鹅肝都系即场煎，每次师傅煎好鹅肝，都立即比人拎左，要影只好拎完鹅肝番埋位先。讲番鹅肝，食落香口，入口即溶，加埋下面既脆面包，未食主菜先食三四件鹅肝。青口，长脚蟹，刺身，呢d冻食既海鲜刺身款式多，建议每样试小小，唔好咁快食饱晒。Order 寿司有火炙三文鱼，带子，腐皮，蟹棒同埋海胆寿司。寿司唔会用好多饭，细细件，唔怕饱到一阵食唔落主食。自己最钟意火炙三文鱼，蟹棒同海胆寿司。火炙三文鱼烧得几香
适逢今日睇完奥运国家队系香港做既show，于是就出去医下肚，去左铜锣湾揾食。
而家自己就比较钟意去登龙街果边，因为越开越多食肆，可以一次过慢慢睇。
拣左一间位于29楼既餐厅。
餐厅环境舒服，几有情调，仲有室外既位置可以望住风景食野，都几吸引。餐牌上面有日式主食，而点左主食之后就可以享用出面既食物同埋order寿司，姐系日本菜crossover自助餐。
出面都几多野食，偏向日式，有鹅肝，章鱼小丸子，刺身，卷物，荞麦面，青口，长脚蟹，天妇罗等等。
出面既半自助区，当然系鹅肝天下。虽然鹅肝果度长期有只碟系度，但想影张相都影唔到。因为全部鹅肝都系即场煎，每次师傅煎好鹅肝，都立即比人拎左，要影只好拎完鹅肝番埋位先。讲番鹅肝，食落香口，入口即溶，加埋下面既脆面包，未食主菜先食三四件鹅肝。
青口，长脚蟹，刺身，呢d冻食既海鲜刺身款式多，建议每样试小小，唔好咁快食饱晒。
Order 寿司有火炙三文鱼，带子，腐皮，蟹棒同埋海胆寿司。寿司唔会用好多饭，细细件，唔怕饱到一阵食唔落主食。自己最钟意火炙三文鱼，蟹棒同海胆寿司。火炙三文鱼烧得几香，蟹棒啖啖肉，同海胆寿司够鲜味。
半自助部分已经食左好多，系时候上主食。
脆炸鹿儿岛黑豚肉配芝麻汁
$488
7 浏览
0 赞好
0 留言
黑豚肉外脆内软，表面炸粉唔厚，内里豚肉腍身。配上既芝麻汁初时以为系芝麻酱，原来好似酱油咁，酸酸地几开胃，衬番炸黑豚肉可以缓和煎炸既感觉。
北海道帝王蟹、大蚬自家制乌冬
$588
5 浏览
0 赞好
0 留言
自家制乌冬同平时食开既好唔同。首先，从外观睇，佢比一般乌冬更阔更粗身。口感亦比一般乌冬更烟韧，更有咬口。帝王蟹同大蚬鲜甜多肉，汤底唔算好浓，入口舒服。
食完主食，又可以出去睇下有咩甜品。除左mini cake，仲有生果，但我就比蕨饼吸引住。呢度既蕨饼甜度岩岩好，入口松软，最紧要够冻，自己一个已经食左五六旧。
呢种半自助形式既食法系日本菜都几特别，可以以一个价钱，尝到多种既日式食物，而且质素放题完全无得比，同时环境又好，估唔到半自助+日本菜都可以咁高档。
张贴
