温野菜

营业中

休息中

行开LCX又突然想打边炉, 海港城大部分餐厅都排满长龙, 而呢间日本餐厅优胜之处就系可以用apps等位, 可以边行街边等位, 既不会浪费时间, 又可以食我至爱嘅涮涮锅。日式火锅比较健康同食材也比较高质, 所以我都非常喜欢。美国和牛肩脊肉 $119和牛肉质鲜, 非常有牛味, 唯独份量较少。可能要点几份才够, 唔系就到喉唔到肺。有机豆乳汤淡淡的豆浆味, 开始时比较清淡, 但会愈滚愈 香甜。非常养生。骨胶原柚子塩汤一见到有骨胶原已经吸引了我点, 再加柚子已经幻想到多养颜, 味道有点像鱼汤, 味道相比较浓。建议加点水, 否则会愈食愈咸。野菜五品盛合 $65日式涮涮锅比较注重健康多菜, 所以温野菜点可以唔点菜, 二人食份量刚好。黑松露免治鸡肉 $39黑松露味没有太出, 免治口感特别, 口感实在但不够弹口, 还是一般肉滑比较适合我。带子 $62带子新鲜香甜, 肉质非常弹口。蒟蒻非常爽口, 个人比较喜欢白色, 灰色有种不知道怎样形容既味道, 但都好味。食饱当要点返个甜品绿茶粉配红豆再配云里拿雪糕, 非常满足!整体算不错, 但价钱相对偏高。