滝壽司 (已結業)

假期前叹高级日本餐厅，以前去食lunch多，今次第一次食晚饭，午餐价钱抵食好多，平均每人$1,000。晚饭就贵多啲啲，但地方舒适干净、食物水准高及厨师好友善，所以都会成日去。拣咗厨师发板嘅「樱」Sakura，$1,500一位，价钱由$1,400、$1,500、$1,700、最贵𠮶款系$1,900，用OpenRice订位有8折，餐厅本身加一，即成张单系9折。饮咗佢哋自己酿嘅梅酒，好特别，有果肉喺入面，可惜冇影相，好好饮，所以叫咗两 round，另外仲饮咗两支清酒。今次食饭经验重点系，埋单时记得要查单！我哋两个人食咗$4,618，两个套餐再加4杯梅酒两支清酒，饮酒嘅份量算多，埋单时已近12点已，醉醉哋都唔系好有意识查清楚就签。到第二日酒醒，再打电话返去追问，晏昼12点打去，话会覆番我，到3点前我再打去，个经理话俾我听佢check咗张单，系啱，因啲货系啱啱入，所以条数系啱，但佢点货条数啱，唔等于我哋有叫到。我坚持佢哋收错，写多咗两支酒钱入去，我哋有影低个樽，我哋真系只饮咗4杯梅酒，两支清酒，坚持之下，经理话自己退番$684蚊俾我。第一支清酒第二支清酒 Dassai 39，就系呢支计多两支入单