影片
更多
2022-12-31
165 浏览
九龙湾原来有高级法国菜，喺megabox五楼，无论环境、服务都好似fine dine咁，但系价钱相宜，平时食或者庆祝节日食都得，仲有多款红白酒，价钱都好合理 ☺️我哋拣咗二人餐，$698，包四款前菜，两款汤，同埋两个main，份量好足👍🏻开头好特别，会比两粒蕃茄同一粒柠檬你自己切嚟食。首先加入少少柠檬汁落啲黑醋度，可以自己调校酸度，之后将蕃茄切成片或者粒，点啲汁食。蕃茄系意大利嘅有机蕃茄，口感会比较实，所以加入酸酸甜甜嘅汁，好好味。汤有两款选择，是日餐汤系青瓜忌廉汤，第一次试青瓜汤，原本担心会好青草味，点知完全唔会，清清哋，几好饮。而另一款系法式洋葱汤，洋葱汤入边浸咗一块多士，已经浸到𣺉晒入晒味，而洋葱汤清清地甜甜地，都几好饮。主食叫咗一款未食过嘅炖菜，叫传统法式卡酥莱，入面加入五花肉，肠仔，白腰豆同埋菇，个汤底有少少似蕃茄汤，但系味道又唔一样，系香港其他餐厅真系未必食到。另一款主食拣咗油封鸭配法式杂菜薯角拌香橙酱， 呢份嘅鸭好香，皮劲脆，非常香口，应该比较适合香港人食，不过香橙酱就唔系想像中嘅甜甜地嘅味，我就加咗黑醋拌嚟食，更加好味。最后忍唔住加咗份甜品，蓝莓拿破仑，佢嘅吉士酱好多，块
我哋拣咗二人餐，$698，包四款前菜，两款汤，同埋两个main，份量好足👍🏻
开头好特别，会比两粒蕃茄同一粒柠檬你自己切嚟食。首先加入少少柠檬汁落啲黑醋度，可以自己调校酸度，之后将蕃茄切成片或者粒，点啲汁食。蕃茄系意大利嘅有机蕃茄，口感会比较实，所以加入酸酸甜甜嘅汁，好好味。
汤有两款选择，是日餐汤系青瓜忌廉汤，第一次试青瓜汤，原本担心会好青草味，点知完全唔会，清清哋，几好饮。
而另一款系法式洋葱汤，洋葱汤入边浸咗一块多士，已经浸到𣺉晒入晒
味，而洋葱汤清清地甜甜地，都几好饮。主食叫咗一款未食过嘅炖菜，叫传统法式卡酥莱，入面加入五花肉，肠仔，白腰豆同埋菇，个汤底有少少似蕃茄汤，但系味道又唔一样，系香港其他餐厅真系未必食到。
另一款主食拣咗油封鸭配法式杂菜薯角拌香橙酱， 呢份嘅鸭好香，皮劲脆，非常香口，应该比较适合香港人食，不过香橙酱就唔系想像中嘅甜甜地嘅味，我就加咗黑醋拌嚟食，更加好味。
最后忍唔住加咗份甜品，蓝莓拿破仑，佢嘅吉士酱好多，块饼劲脆，好好味呀，如果大份啲就完美啦😆
张贴
