Flying Pig Bistro

营业中

休息中

同朋友经过高街，行咗成条街就决定食呢一间餐厅，见到佢哋嘅lunch menu都有几多选择，而且个价钱都合理。只需$118，就包左头盘、主菜、甜品同嘢饮。入到去职员都好有礼貌，而座位都几多又唔会太迫！咁头盘方面我就拣咗佢哋嘅鸭胸沙律同迷你汉堡包。沙律都好新鲜，而且配合埋香醋，酸酸地非常之开胃，鸭胸肉都几多，个沙律份量都好大份👍🏻个迷你汉堡包系手撕猪肉，一啖放落口就啱啱好，猪肉都唔会好干，而且非常Juice！主菜就叫咗佢哋嘅三文鱼，三文鱼嘅质感好滑，配合埋佢哋嘅芥茉酱、香葱、其他香料等，真系好好食🥰 而最后甜品系Apple crumble，佢哋焗到外脆内软，而且唔会好甜，啱晒我嘅口味！