温野菜 (太古城中心)

营业中

休息中

呢日寒流襲港好凍，午餐想食好少少就去咗溫野菜，我哋三個人嗌咗三個餐分別係：A餐$299日本國產牛定食上枱見到肉片都係色澤均勻亮麗，入口都係滑捋捋嘅，非常美味。呢款餐會有一個丹麥豚肉，非常高質，雖然切得好薄，但係入口即溶食得出係高質豚肉。B餐$155日本豚肉及雞腿肉日本豚肉相對A餐冇咁滑，不過豬肉味好重酥都係非常美味。雞腿肉大概有五嚿放咗落壽喜燒入邊煮過都係滑脫脫好好食。C餐$328究極和牛定食呢個不得了，有兩種和牛，一睇啲雪花滿滿，而且非常均勻；肉色亦都非常亮澤新鮮。入口即溶，油脂充滿口腔。每個餐都會跟兩粒芥末貢丸，蔬菜盤，同埋大概兩片炸魚片；另外麵條，同指定飲品都係跟餐。睇落去好似得兩盤薄肉唔會飽咁，但係其實非常之飽係非常滿足嘅午餐。