温野菜 (太古城中心)

营业中

休息中

餐廳位於公司附近，有時做得辛苦晏晝豪一豪，幫自己打氣😀第一次嚟呢間溫野菜，環境好舒服絕對冇復出嘅感覺。由於小妹唔食牛，選擇唔太多，所以我只係揀咗午市B餐。鹿兒島茶美豚肉+雞腿肉 $155 -每個餐可以揀幾款湯底，我就揀咗清清地嘅昆布湯底。除咗肉類之外每個餐都附上一盒蔬菜，另外可以揀飯、烏冬或蕎麥麵，小妹今次揀蕎麥麵。整體嚟講：肉質嫩滑，蔬菜新鮮，蕎麥麵清清地飲曬我口味。另外我亦order咗青檸梅子梳打，食完大大份火鍋飲返杯梅子梳打消滯👍👍👍

今日同男朋友睇完戲係太古搵野食 見到溫野菜有hsbc card 7折套餐優惠 - $331 有前菜番茄、野菜五品盛合、日本黑毛和牛肩脊肉、美國牛肋肉、鹿兒島豚肉、雞爽肉。但湯底係唔包係呢個價錢裡面嘅。不過湯底價錢都唔貴 $19-$39 同埋佢地冇限一人一定要叫一個湯底，所以我地兩個人都係叫左一個秘傳月見壽喜湯。然後我地仲再加左一個平麵就已經飽曬！平麵口感超級淋，好滑身。 肉嘅質量方面就一般般，但一定對得住呢個價錢！

其實我食呢餐時都差唔多4pm，本來想食個下午茶，但又身痕想打邊爐，見呢間4pm都仲有set lunch邊爐就啱哂啦～Set B 鹿兒島茶美豚．雞腿肉定食 $155鹿兒島茶美豚梅肉油花分布好靚，肉質好軟腍，肉味濃郁，連肥膏位好香，好好食👍🏻雞腿肉都幾厚身，肉質彈牙，都算鮮嫩。温野菜盛合驟眼睇都幾豐富，金菇同南瓜吸收哂湯底的味道，超好食。是日沙律椰菜上淋咗d柚子醋，都幾清爽。是日鍋肴(2款) 應該係墨魚丸同牛丸，墨丸真係食到有幾粒好彈魚的墨魚肉，牛丸有少少wasabi 味，都幾funny。湯底 - 秘傳月見壽喜湯湯底味道好甜好濃味，跟湯底上個隻雞蛋勁香🤩配肉配烏冬都好好食。跟餐 - 稻庭烏冬倒咗落鍋裡滾一滾，熱食好食d，配埋湯底認真唔錯。餐飲 - 茉香綠茶(熱)飲落澀澀哋，還可以啦。温野菜 (太古城中心) (太古)太古太古城道18號太古城中心3樓309號舖*上述文章只供參考及以當時價格為準

呢日寒流襲港好凍，午餐想食好少少就去咗溫野菜，我哋三個人嗌咗三個餐分別係：A餐$299日本國產牛定食上枱見到肉片都係色澤均勻亮麗，入口都係滑捋捋嘅，非常美味。呢款餐會有一個丹麥豚肉，非常高質，雖然切得好薄，但係入口即溶食得出係高質豚肉。B餐$155日本豚肉及雞腿肉日本豚肉相對A餐冇咁滑，不過豬肉味好重酥都係非常美味。雞腿肉大概有五嚿放咗落壽喜燒入邊煮過都係滑脫脫好好食。C餐$328究極和牛定食呢個不得了，有兩種和牛，一睇啲雪花滿滿，而且非常均勻；肉色亦都非常亮澤新鮮。入口即溶，油脂充滿口腔。每個餐都會跟兩粒芥末貢丸，蔬菜盤，同埋大概兩片炸魚片；另外麵條，同指定飲品都係跟餐。睇落去好似得兩盤薄肉唔會飽咁，但係其實非常之飽係非常滿足嘅午餐。

中午想打邊爐，揀左溫野菜，見佢午餐份量都好大份，豬拼雞肉套餐就$155左右、有沙律，一個主食，一份雞，一份豬，一份菜，仲有幾粒丸，連埋一杯野飲，加$10仲有杯雪糕。如果想食牛既話， 就要$200幾一個人， 有牛肉加另外一份自選肉，怕唔夠飽既話，仲有好多野比你追加！ 揀左壽喜燒湯底，仲有隻蛋， 啲肉好薄，好快熟，好食，雞肉亦滑，份量好夠，佢個芥末豬肉丸有少少芥末味，好食，另外叫左餃子，皮唔薄但彈牙。 食晒成個餐再追加左個溫野菜雪糕，即係雲呢拿雪糕加黑塘加黃塘粉。

前兩個禮拜先食完溫野菜😆今次又去因為知道「溫野菜」尖沙咀LCX、太古城及又一城店於4月1日起推出咗新餐牌。新湯底「柚子檸檬湯」同埋期間限定嘅「青森黑毛和牛肩脊肉」對我嚟講好吸引，聽到個名未食都已經流晒口水🤤▫️辣味噌牛油果溏心蛋 (HKD59) - 餐牌裡面有幾款新推出嘅小食，「牛油果溏心蛋」就係其中一款。 牛油果上面有半生熟雞蛋，淋上辣味噌汁，開始食火鍋前先刺激一下味蕾吧🌶️😋▫️柚子檸檬湯 (HKD68) - 柚子俾人嘅感覺係好清新，柚子茶柚子味拉麵就試得多，用柚子做火鍋湯底真係第一次試。將柚子+檸檬放入骨膠原湯底，令酸甜味道滲入食物裡面，帶出嚟嘅味道真係同其他平時食開嘅火鍋湯底好唔同，值得推介👍🏻廚師事先將湯底冷凍成玫瑰花形，加熱湯底前記得相機📷先食呀！▫️溫野菜鍋 (HKD68) - 賣相同柚子檸檬湯一樣咁令人注意，必定相機先食！以牛油生菜同埋紅心蘿蔔砌成，好似一朵盛開嘅牟丹花咁靚。湯底可以選擇HKD49或以下嘅湯底，有8款咁多俾你揀。▫️ 青森黑毛和牛肩脊肉 (HKD219) - 青森和牛曾獲「東北牛匠會肉用牛枝肉共進會」的榮譽獎，有機會真係要試吓呢個期間限定推介呀，我覺得配柚子檸檬湯

今日去咗溫野菜食嘢，好多款肉同醬汁可以揀，仲有湯底可以選擇。我揀咗鹿兒島美豬同雞腿肉定食，加埋三款自選定食。而且要揀壽喜燒湯底，因為我揀咗和牛湯底，味道唔係特別甜，下次一定揀壽喜燒湯底。肉同醬汁方面，肉都做到好薄切，好易吸晒湯底嘅精華。牛頸脊嘅肉質比較出色，雞肉都好滑嫩，但豬肉就比較一般啦。醬汁就唔同啦，以前有柚子醬，不過而家冇咗，只有芝麻醬，都好好味。除咗肉之外，仲有兩粒豬肉丸，有秋葵味，比我想像中好食。最後試咗闊條麵，就算煮很短時間都比較軟，個人唔太喜歡，朋友話有啲似河粉。總括而言，溫野菜嘅味道唔錯，肉同醬汁都好好食，只係湯底可以揀壽喜燒湯底，同埋啲麵條唔太啱我嘅口味。

香港有4間温野菜，分別係尖沙咀、銅鑼灣、九龍塘同太古城，牛涮鍋就多啲，兩嗰都係同集團，睇選址都大約估到佢哋有咩分別🤔 牛涮鍋嘅lunch set 最平$86，最貴$183，有午市放題$138-$388；而温野菜lunch set 最平$148，最貴$288，有嗰只食菜嘅green Monday set，但就無放題了😗温野菜除咗setA我全部都食過，咁講真牛嘅質素真係高啲，同埋都食得飽🤤 我會講性價比都高👍🏻 但加咗錢要兩set海鮮，每set $78🦪 性價比就真係低咗啲😗 順帶一題，我哋一行6人唔夠位放，佢主動推咗架車俾我哋放食物，好貼心🤗

◾️◾️◾️ 【 ✨太古優質火鍋午餐✨ 】 ◾️◾️◾️▎健康火鍋 吃不肥之選👍喺太古返工嘅我 經常同同事幫襯呢一間位於太古城中心3樓嘅火鍋店😋呢一間溫野菜可能大家都有食過🤣佢嘅火鍋套餐唔算話特別抵食但係上餐速度偏快可以喺一個鐘頭lunch time食完🤓👍滿足我返工時間想去食火鍋嘅願望#有效率 ◾️◾️◾️◾️◾️ 【 General Info 】 ◾️◾️◾️◾️◾️▎Overall rating：7 out of 10▎Will Revisit?：Yes▎菜式分類：#mayfoodie_火鍋▎人均消費：Ard HKD 170▎地區分類：#mayfoodie_taikoo ▎前往方法：去太古城中心一期上3樓, 就會搵到▎餐廳位置：📍 温野菜 (太古城中心) (太古)📍太古太古城道18號太古城中心3樓309號舖◾️◾️◾️◾️◾️【 環境方面 】 ◾️◾️◾️◾️◾️👉Rating：8 out of 10相信大家如果有食過溫野菜嘅話都知道佢嘅環境比較企理成個裝修以木系風格為主而喺預約方面亦都非常方便餐廳設有一個app可以攞定飛所以平時我都會喺Office攞咗飛先然後慢慢行落去🤓#呢個都係佢嘅加分位◾️◾️◾️◾️◾️【 精選菜式 】 ◾️◾️◾️◾️◾️

溫野菜跟其他日式火鍋店雖有相似之處，但當中有些配料的味道和賣相都更精緻，豆腐湯、雞頸肉、日本產豬和雞軟骨滑等都是我最愛，今次因為想起他們的豆乳湯，就來了！ 當天是星期六不用上班，如果為了折扣等到二時半實在太久了，所以直接進門吃午膳。肉品有一份鹿兒島產茶美豚肩和雞腿肉，其他有蔬菜籃和丸物，湯底點我最愛的豆腐湯。 湯底的沸點低，所以在涮配料的時候要不停控制火候。有濃豆香味，喝下去味道剛好不會過鹹，特別喜歡適合淡味的我。跟豬肉配在一起就像另類提味，份外幽雅芳香。雞肉失準了，有雪藏味，解凍處理不佳。 蔬菜籃裡我最喜歡紅心蘿蔔，味道比國產清淡，而且口感更彈牙，我喜歡涮數分鐘便食用，不至太軟。 其他的配料還好吧，年糕和烏冬用來果腹，Q彈軟嫩，不錯吃！

天氣咁凍，好適合去打邊爐。放lunch嘅時候，我同同事已經喺app上面拎咗位，先至再行過去，點知都等咗成30分鐘。去到先知原來有得訂位，唔想等位記得打去book左先。午市有3個set 嘅shabu shabu盛合定食，同埋自選shabu shabu定食，有得揀2種肉($148) 同3 種肉($168)。total 有8種肉揀，三款牛、三款豬同一款雞。我同同事就揀咗三款牛、兩款豬、一款雞。我覺得最好食係牛頸脊。我就揀咗壽喜燒湯底(比較推薦🤩)，同事就揀咗蕃茄湯底🍅。定食仲包左飲品、兩款丸(貢丸加年糕)、野菜盛盒同埋烏冬。甜品仲可以加$10個牛角雪糕。價錢就偏貴，但偶爾奢華一下都ok!

牛涮鍋/牛角就食得多，但温野菜真係第一次食🫣 我成日以為温野菜會勁多菜😂 其實又唔算係，我又成日驚呢啲set lunch 會唔夠飽，點知飽到夜晚都仲飽緊😂 今日家姐嚟太古揾我食嗰lunch，有選擇困難症嘅我都幾中意呢嗰menu，但唔算易睇😂 可以話佢得三個餐，雞+豬$148、雞+牛$178同牛加牛$288😂 呢嗰brand嘅雞都好正，所以我選擇咗中間嘅option😎 壽喜燒湯底跟蛋，配菜有丸類、烏東、菜跟飲品，我哋兩個嗌嘅餐完全一樣😂 再用coupon免費加咗宮崎黑毛和牛肩脊肉，原價$189🤗 因為金會員85折，人均消費$169，係太古嚟講我覺得好抵食又好味😎不過扣分位就係無抽氣，食完返office係人都知你打完邊爐🫣 嗰和牛得4塊，好食係好食，但呢嗰性價比相對低🧐

Wanted to have a nice hotpot during the winter season. On-Yasai serves high quality wagyu 🥩 with beautiful marbling and huge variety of fresh vegetables imported from Japan 🇯🇵 that you may even haven't seen in the market before. But other than these, they also have the super yummy dessert! Tho there isn't much choices of dessert on the menu, the Matcha Parfait was super good! 🍵🍨 Especially love the matcha flavored brownie in the middle layer!---Part of the things we ordered which were amazing an

💭依家開始涼了，就會突然好想食d 熱野，呢日lunch 有比較多既時間可以慢慢去食邊爐lunch set😋呢度好多唔同既盛盒😜我覺得個set 真係剛剛好，有肉有菜有主食，d 肉重要好好味添～ 湯底本身係配昆布湯，配其他湯底就加10 蚊😜今次揀左個有豬有牛既set，我覺得性價比都高呢👍🏻👍🏻👍🏻👍🏻🌸盛合定食Set B ，美國牛肋肉、鹿兒島茶美豚梅肉定食 HKD 148想👀多d 關於我既覓食之路就follow 我啦～

其實已經食過好多次，不過次次嚟親太古城都冇其他餐廳吸引過溫野菜🤣，所以明知唔抵都係要食。今次叫咗蕃茄湯底，大蕃茄幾甜，但係湯頭就好普通，最吸引都係啲靚肉，長崎黑毛和牛西冷永遠都唔會令人失望，$199四片真係有啲貴，不過唔係成日食，而且真係入口即溶，所以都可以接受。鹿兒島豚肉亦都唔錯，唔會太肥，打邊爐啱晒。今次最有驚喜竟然係蝦滑，個樣唔係太吸引，但食落口有幾彈牙有粒粒蝦肉。另外其實啲小食亦都唔錯嘅，鍾意食依度嘅明太子魷魚薯仔沙律，其他地方真係食唔到🤣整體來講，溫野菜最大嘅優點就係乾淨，食得安心。兩個人唔係叫咗好多嘢，都食咗$700真係有啲貴，久不久一次就OK。另外而家匯豐卡有啲套餐做緊七折好似抵食啲，大家可以去睇吓。