樂天經典 (奧海城二期)

营业中

休息中

最近因为奶奶返咗台湾，成日都要带埋小星星一齐出街食饭！所以地方阔大真系好重要！今日晏昼同咗老公同小星星一齐去咗乐天经典餐厅，试咗佢哋嘅二人套餐，份量啱啱好，而且仲要几好食🤤
叫咗个星马金砖豆腐，外脆内软，配上黑白芝麻，口感丰富，椒麻口味好惹味跟住就系沙拉排骨，我钟意佢唔会超级多沙拉酱！但系特制沙律酱好够味，肉质松软，大件又厚实，好有饱足感
不过主角就系星州黑胡椒螃蟹，大概有一斤左右嘅肉蟹，辣辣地好鲜味😋黑胡椒劲刺激味蕾主食我哋就拣咗虾味鱼子虾球炒饭，炒饭粒粒分明，好有镬气🤩虾球弹牙，饭粒上面仲有鱼子既鲜味！
甜品方面，我哋拣咗招牌酸甘香茅冻！我钟意佢唔系太甜，但系酸酸地比较开胃！好清新～可以同啱啱食浓味嘢嘅口感分隔一下
饮品拣咗无糖豆浆