陸奧酒場

营业中

休息中

今晚自己一个人食饭，所以谂住简单食少少野，再小酌一番，所以去左屋企附近呢间好有日本味道既居酒屋自己一个叹世界。呢间居酒屋既串烧全部都可以用精致黎形容，每一串卖相都劲吸引，上枱之前已经劲香。首先最好味既系甘薯，加左焦糖令我觉得有d似焦糖炖蛋咁，外脆内软，蕃薯既甜味出哂黎，呢个真系必试。梅酱紫苏黑豚又系一个好特别又好正既串烧，小小酸甜既感觉提升左黑豚既味道，豚肉肉感丰富肉质弹牙，味道好有层次，好出色。牛肋肉牛味劲浓加埋阵阵炭烧既味道真系好香。鸡髀肉既肉劲滑又嫩，皮又烧得好脆，惹味。串烧豆腐又系外脆内软，简单得黎又好味。自家制免治鸡肉串连日本蛋，鸡肉串沟埋蛋同汁一齐食真系好滑好甜好入味。最后就梗系唔少得既日本生啤啦。