酒川

营业中

休息中

今晚约左岩岩番香港嘅朋友食晚饭，酒店系附近，又想食串烧，就简左呢间铺头。酒川嘅环境好宽敞，咁岩撞正老板，佢都好关心食物质素，仲介绍原来酒川有两层，二楼仲有三间K房，其中两间仲有独立厕所，楼梯位仲好岩打卡，真系估唔到！1.大虾乌冬呢个大虾系天妇罗炸虾，佢上菜嘅时候都好热辣辣，最好食系啲粉唔厚，入面好厚虾肉，加埋沙律酱就好夹！而乌冬呢主要清汤底，但都够味，仲有好多甜粟米同木耳，乌冬嘅韧度岩岩好！2.带子呢个烧带子好香好好味，首先系好大只，而且好新鲜，食落口好鲜甜，更重要系落左好多蒜蓉系侧边，食得出带子系整到岩岩好，带子软嫩多汁，大推带子！3.Beef Cubes牛柳粒份量都够两个人食，肉质实嫩，锁著好多汁，一口一旧非常方便。4.鸡中翼呢个cp值好高，亦都好细心咁中间分开左，令鸡翼唔会过熟，食到入边嘅肉质都好嫩滑，最重要表面烧到脆而香，好岩用黎送酒！