塩玉居酒屋 (已結業)

放工同朋友聚会，朋友一早选定了这间居酒屋，环境宽敞，可以一路食住串烧饮番几杯一路倾下计，呢到串烧好出名，用唔嘅盐去调味。葱吞拿鱼腩薄脆 店员推介话呢到好出名，吞拿鱼腩蓉好多，满满油香，配左炸到脆卜卜嘅米通，口感丰富。辣酒煮花螺估唔到呢到有得食，花螺鲜甜肥美，都几辣但好惹味。辣味松叶蟹盖海胆石锅饭有松叶蟹肉，海胆，蟹籽，搅拌好就可以，好鲜味，海胆入口即溶，蟹籽好脆卜卜。烧鸡软骨烧得好干身，咬落爽口，加上香葱更香。酱烧豆腐豆腐十分嫩滑，酱汁香浓。烧鸭舌本身食开卤水鸭舌，原来烧都好好味。烧秋葵爽脆，咬落去仲好多汁。烧鸡心好特别，我第一次食，好有咬口。