影片
更多
2022-10-08
125 浏览
留意左依间Le Reveur好耐喇，之前睇过D介绍，然后睇食评唔错，仲同同事分享过，不过大家都仲未去过食，今次终于约到fd一齐去试，朋友有揸车，门口就有咪表，今晚好好彩俾佢泊正门口咁滞，开心死佢。餐牌唔算特别多选择，但菜式黎讲比较特别，搞到样样都想试咁先上嘅系是日餐汤 - 莞茜汤作为本身都钟意食莞茜嘅我，第一次听到食西餐有莞茜汤，冇理由唔试啦下话，饮落口感淳滑，睇黎落唔少忌廉，唉，肥，但真系好好饮，又大碗，莞茜唔算话特别太重，但叫个fd试一啖仔都唔肯然后好快就上剑鱼腩tataki，依个系唯一大家唔使谂一定拣嘅Entrees剑鱼腩作为主角份量一D都唔少，以我之前都买过黎计应该净系几旧腩买返屋企都要4,5十蚊，剑鱼腩表面烧得少少焦脆，再加上牛油果酱，好好味丫再黎就系主菜，牛西冷(5成) 同埋 鲑鱼柳牛西冷order 5成，而师傅真系整到5成熟，火侯掌握好好，肉质非常粉嫰，虽然唔系和牛𠮶种入口即溶嘅口感，但明显食到香浓牛肉味，配上嘅薯丝饼就略为失色，可能因为我地将佢摆得比较耐先食，饼边见到有少少焦但已经完全唔脆由于友人唔肯食油封鸭腿嘅关系就拣左鲑鱼柳，一上枱我地就有共识应该系用锡纸包住扔入焗
餐牌唔算特别多选择，但菜式黎讲比较特别，搞到样样都想试咁
先上嘅系是日餐汤 - 莞茜汤
作为本身都钟意食莞茜嘅我，第一次听到食西餐有莞茜汤，冇理由唔试啦下话，饮落口感淳滑，睇黎落唔少忌廉，唉，肥，但真系好好饮，又大碗，莞茜唔算话特别太重，但叫个fd试一啖仔都唔肯
然后好快就上剑鱼腩tataki，依个系唯一大家唔使谂一定拣嘅Entrees
剑鱼腩作为主角份量一D都唔少，以我之前都买过黎计应该净系几旧腩买返屋企都要4,5十蚊，剑鱼腩表面烧得少少焦脆，再加上牛油果酱，好好味丫
再黎就系主菜，牛西冷(5成) 同埋 鲑鱼柳
牛西冷order 5成，而师傅真系整到5成熟，火侯掌握好好，肉质非常粉嫰，虽然唔系和牛𠮶种入口即溶嘅口感，但明显食到香浓牛肉味，配上嘅薯丝饼就略为失色，可能因为我地将佢摆得比较耐先食，饼边见到有少少焦但已经完全唔脆
由于友人唔肯食油封鸭腿嘅关系就拣左鲑鱼柳，一上枱我地就有共识应该系用锡纸包住扔入焗炉焗，肉质保持充足水份，嫰滑不在话下，油脂亦都保留返喺鱼肉，等到入口先散发返出黎，不过依道菜嘅重点唔系旧鱼，而系我地听都未听过嘅配菜，分别系Lentils同Capers Fruit，道菜一上枱我地见配菜咁得意未见过就已经问侍应，问完个名都系唔知咩黎，Lentils就系一D豆咁，应该用上汤煮足时间，有食豆要嘅粉粉口感又唔会干，Capers fruit我就觉得系酸版橄榄，配上鱼肉同豆同椰菜一齐食好好feel
甜品方面我地拣share一个Crepe Suzette橙酒pancake，超级好食~!!!! 酒味、焦糖、橙香、蛋香浓得黎平衡得好好，连埋橙片一齐食再加上一股果涩味，令成个感觉唔系得甜同香，作用有D似个酒味但又唔系酒，大家如果去的话一定要叫!! 顺路可以帮我试埋个开心果creme brulee再俾返feedback我plz
黎得食西餐冇理由饮水咁dry嘅，一人叫左壶茶，我叫french earl grey，友人叫eternal summer tea
2壶茶都唔错，earl grey除左有本身应有嘅味之余仲好滑身，eternal summer就系浓郁提子莓果𠮶种香味
张贴
