影片
更多
2020-02-12
438 浏览
最近天气冻拍拖食饭都会拣D中餐暖胃，有初老症状既我地都开始注重养身，连想食放题都拣特登返中餐黎食，今次就俾我地揾到系尖沙咀 The One 17楼既利宝阁。一出lift 好快有Staff 带我地入坐，依个价钱对住夜景食中餐放题，净系睇景都抵返晒haha。坐低叫埋茶，就专心睇下点心纸上面有咩选择，热盘、冷盘、点心、甜品有成五十几样。出面仲有堂弄北京片皮鸭同堂煎美国谷饲牛柳自取。入坐包左每人一份极上佛跳墙，汤料包括有原只鲍鱼、海参、瑶柱仲有女仔最钟意既花胶，够晒足料，用料矜贵，汤味鲜甜好滋润。除左一人一碗极上佛跳墙，仲有每人一份既上汤大虎虾天使面，大虎虾虾肉爽口弹牙，鲜甜厚肉，天使面就索晒汤底同埋虾既鲜味，成个感觉就好似西式版龙虾伊面咁，好食！黎到我地最期待既堂弄北京片皮鸭，依到有专人将鸭切片，片皮鸭会皮连肉切，外皮同肉中间夹住层脂肪，系入面阵油香真系令人念念不忘。烤鸭皮脆肉厚，配埋爽口青瓜、香口葱丝同埋甜甜既片皮鸭酱加埋外面薄脆香口既薄饼皮，系幸福既感觉！！！仲有我好钟意食既酸菜鱼，酸辣度适中，芽菜同酸菜都吸晒汤入面既精华，鱼肉嫩滑够薄身，食落啖啖肉。依到既海鲜都做得唔错，姜葱炒蟹有好重
一出lift 好快有Staff 带我地入坐，依个价钱对住夜景食中餐放题，净系睇景都抵返晒haha。坐低叫埋茶，就专心睇下点心纸上面有咩选择，热盘、冷盘、点心、甜品有成五十几样。出面仲有堂弄北京片皮鸭同堂煎美国谷饲牛柳自取。
入坐包左每人一份极上佛跳墙，汤料包括有原只鲍鱼、海参、瑶柱仲有女仔最钟意既花胶，够晒足料，用料矜贵，汤味鲜甜好滋润。除左一人一碗极上佛跳墙，仲有每人一份既上汤大虎虾天使面，大虎虾虾肉爽口弹牙，鲜甜厚肉，天使面就索晒汤底同埋虾既鲜味，成个感觉就好似西式版龙虾伊面咁，好食！
黎到我地最期待既堂弄北京片皮鸭，依到有专人将鸭切片，片皮鸭会皮连肉切，外皮同肉中间夹住层脂肪，系入面阵油香真系令人念念不忘。烤鸭皮脆肉厚，配埋爽口青瓜、香口葱丝同埋甜甜既片皮鸭酱加埋外面薄脆香口既薄饼皮，系幸福既感觉！！！
仲有我好钟意食既酸菜鱼，酸辣度适中，芽菜同酸菜都吸晒汤入面既精华，鱼肉嫩滑够薄身，食落啖啖肉。
依到既海鲜都做得唔错，姜葱炒蟹有好重既香姜葱味，够晒镬气，蟹肉同蟹膏多到就黎爆出黎咁，好满足haha。
仲有平时中餐必点既玻璃咕肉，个甜酸酱汁调味唔错，外层脆口而且酸甜适中，肉质软嫩，口感好好，送饭一流。
仲有平时好小餐厅会有既鸡蛋猪脚姜，姜醋酸酸甜甜非常入味，食落味道偏甜，酸劲后上，猪脚胶质重，只蛋食落姜味好重，好够入味。
总括黎讲，依个中餐放题系好高水准，价钱合理，性价比好高！最紧要系人小小都可以每样点D，唔洗惊食唔晒，下次一定会带埋屋企人黎再战！
张贴
