鮨政 (已結業)

从来冇谂过贵价寿司都可以做放题😂上网见到人介绍呢间中环嘅寿司店 佢哋而家做紧$499任食寿司放题 如果想任食埋海胆同拖罗 都只系$6xx！！餐厅以日式装修环境为主🎌座位不多 当日系平日六点半左右过去 已经座无虚席 如果想试记得订座🥰▫️寿司刺身方面一坐低店员就会介绍放题可以食到嘅嘢 首先会比个寿司拼盘 里面有八件寿司 有吞拿鱼腩、三文鱼籽、海胆寿司、三文鱼腩寿司、鳗鱼寿司、油甘鱼寿司、池鱼寿司等 个人最钟意梗系食大拖罗 油脂感满满🥰一咬落口入口即溶 肥美无比🙌🏻海胆寿司好鲜甜 紫菜好香脆 好想再encore😂刺身亦都有甜虾同三文鱼选择 三文鱼有一定嘅厚度 甜虾好鲜甜 可以无限encore好满足🥰▫️炸物小食方面除咗寿司刺身之外 仲有炸物小食可以选择 有日式炸鸡、天妇罗、炸生蚝、蟹肉忌廉薯饼、炸辛子明太子球、茶碗蒸蛋等 仲有每日限定嘅烧鱼鲛和清酒煮蚬 款式唔算多 但全部新鲜制造 味道都唔错！个人最钟意食鱼鲛 热辣辣 外脆内软 油脂感爆登💡味道超级好食！友人就钟意食茶碗蒸蛋 香滑无比 里面仲有冬菇 超级推荐！▫️甜品方面抹茶蕨饼、日本滑芝士蛋糕甜品有两款 两款都冰冻好食 芝士蛋糕唔会好溜 推荐！