牛摩 (荃灣千色匯I) (裝修中)

呢排真系好冻要打边炉暖下身，荃湾不嬲都好多嘢食，拣咗喺千色嘅牛摩。我哋晏昼嚟食，拣咗个午市90分钟嘅极品美国牛小排放题，系最贵𠮶只，都系$299乍。坐低咗之后就可以自己用电话落单，非常方便，除咗有牛肉猪肉之外，仲有羊肉，比较少见羊肉都可以饮食。我哋拣咗几款牛肉试下，我觉得最好食嘅系美国牛小排，肉质嫩滑，每块都好切得好薄，渌一渌就食得，好易熟，唔使惊渌到熟得滞会好鞋。脂肪分布适中，唔会太肥。羊卷肉都好好味，完全冇臊味，而且食落都几爽口，冬天最啱食返啲羊肉补下身😂汤底方面拣咗博多美人胶原啫喱鸡汤同埋麻辣鸭血。胶原啫喱鸡汤好得意呀，系一个牛摩造型嘅啫喱，得意又好味。唔食辣嘅朋友可以拣呢款，feel到满满嘅骨胶原呀😍麻辣鸭血汤底，入面本身都有啲鸭血，好滑好正！饮品方面都好多选择，呢排咁冻，热饮方面可以拣热朱古力咖啡，好饮！不会太甜！最后食番个雪糕，正！