影片
更多
2018-12-12
2345 浏览
前几日表妹约我哋去观塘打边炉，为咗就我哋就喺观塘码头巴士站旁边有一间几正嘅火锅 福翁海鲜荟，顾名思义海鲜应该系主打卖点。价钱大约$300一位，即刻唔使谂飞身出去。去到门口已经见到 $288 无限时任食火锅，表妹已订位佢话有着数，安排入座后侍应礼貌地简单介绍，餐厅装修都好新，地方大对住鱼缸零舍醒神。决定咗食放题之后侍应就自动波送上鸡蓉烩燕窝、每人半只红烧乳鸽、 全部菜色都新鲜热辣辣。然后出边竟然有叉烧可以当小食咁自取，佢啲叉烧真系好好味，肥瘦均匀食到停唔到口。仲未食完第二样嘢有送上嚟啦！原来预先订位有优惠，就系每人送我哋半只芝士焗龙虾，龙虾鲜嫩多汁又够弹牙，爽呀！跟住又有跟住，就系刺身拼盘一大碟，三文鱼、泰式虾、北寄贝、八爪鱼⋯⋯ 我影完张相转头啲刺身已经俾人食晒！好啦终于食到今晚火锅主角，鸳鸯锅底是芫茜皮蛋拼沙爹汤底，有辣有唔辣任君选择。首先食咗海鲜拼盘，因为新鲜所以快啲食，圣子、贵妃蚌、鲍鱼、龙趸片⋯⋯仲有生虾咁跳，阵容顶级，全部都好鲜甜生猛，真系惊喜都值得加分。我哋四个人有送到一碟极品手切牛颈脊，牛魔王即刻流晒口水，雪花靓、脂肪均匀分布、入口即溶、肉味浓郁。 送的至尊水饺皇，成只
去到门口已经见到 $288 无限时任食火锅，表妹已订位佢话有着数，安排入座后侍应礼貌地简单介绍，餐厅装修都好新，地方大对住鱼缸零舍醒神。
决定咗食放题之后侍应就自动波送上鸡蓉烩燕窝、每人半只红烧乳鸽、 全部菜色都新鲜热辣辣。
然后出边竟然有叉烧可以当小食咁自取，佢啲叉烧真系好好味，肥瘦均匀食到停唔到口。
仲未食完第二样嘢有送上嚟啦！原来预先订位有优惠，就系每人送我哋半只芝士焗龙虾，龙虾鲜嫩多汁又够弹牙，爽呀！
跟住又有跟住，就系刺身拼盘一大碟，三文鱼、泰式虾、北寄贝、八爪鱼⋯⋯ 我影完张相转头啲刺身已经俾人食晒！
好啦终于食到今晚火锅主角，鸳鸯锅底是芫茜皮蛋拼沙爹汤底，有辣有唔辣任君选择。
首先食咗海鲜拼盘，因为新鲜所以快啲食，圣子、贵妃蚌、鲍鱼、龙趸片⋯⋯仲有生虾咁跳，阵容顶级，全部都好鲜甜生猛，真系惊喜都值得加分。
我哋四个人有送到一碟极品手切牛颈脊，牛魔王即刻流晒口水，雪花靓、脂肪均匀分布、入口即溶、肉味浓郁。
送的至尊水饺皇，成只大虾都放得入里面，劲啊！
其实饱到咁都已经食唔到任点任食嘅配菜，我当然主力点蔬菜啦！其实仲有美国肥牛、炸响铃、墨鱼滑等新鲜美味，大致上质素都明显高级。
雪柜有多款汽水任饮，最紧要就系完美句号有雪糕食，呢个价钱真系抵食，非常丰富的一餐，下次有机会一定带埋朋友嚟！
张贴
