蝦蝦燒

营业中

休息中

任饮任食除咗打边炉、韩式烧烤之外，流水虾亦都系不二之选，之前已经食过佐敦分店，今日经过荃湾亦都发现咗佢嘅踪影，等我嚟试一试呢一间嘅质素啦！同佐敦嘅营运模式一样，自己可以喺自助餐枱夹嘢食，重头戏嘅流水虾，亦都系由自己从鱼缸夹起，可以话系一手一脚包办，自己烧嘅特别好味特别鲜甜。大头虾嘅身躯非常橙红，咬落鲜甜无比，虾头更加系只只爆晒膏🦐🦐另外亦都有生蚝、整条鱼、扇贝等等嘅海鲜，记住加返少少嘅调味料就已经非常滋味！最钟意食完一轮海鲜之后，就烧一烧窝夫，出边亦都有朱古力酱俾你装饰，再加埋一球雪糕，真系完美嘅甜品。呢一个体验真系非常之特别，推荐大家一家大细嚟试一试啊！