影片
更多
2024-03-09
160 浏览
日本烧肉永远都系我最爱嘅菜式，食几多次都唔会厌。而佐贺烧肉谷都算系我去过咁多间香港嘅烧肉店其中一间好值得再encore嘅餐厅。 餐厅有4款价钱嘅套餐，今次我哋拣咗最贵嘅Lv4- 日本佐贺A4和牛海鲜放题，有140款食品，又有免费Sapporo生啤加清酒，movenpick雪糕，可以任饮任食120分钟。 首先职员先送上第一轮烧肉， 用个木盒装住，有佐贺A4和牛小排、佐贺A4和牛牛肋条、究极佐贺和牛三角嫩肌、佐贺A4和牛薄炙牛肋肉、佐贺A4和牛肩胛、佐贺A4和牛角切，款款望落都咁靓，肉质嫩滑，油脂感重，有入口即溶嘅感觉。不过个人比较钟意食佐贺A4和牛小排同埋究极佐贺和牛三角嫩肌，肉质系咁多款入面最嫩身嘅，所以我哋都系主力食呢几款。另外职员仲送上镇店之选烟熏壶渍封门柳（酱油味），肉质松软，而且牛肉味极为浓郁。 除咗和牛，亦都有豚肉🐷、鸡肉、海鲜、沙律、日式料理、蔬菜、饭面汤等可以自己喺QR code度落单。 呢度啲海鲜都非常新鲜，最值得大家叫一定系烧日本原只生蚝。生蚝2-3月系最盛产嘅时候，只只都好似手掌咁大，鲜甜肥美。 另外鲍鱼都好新鲜大只，口感弹牙，最重要刷得好干净，令客人好放心食用。
日本烧肉永远都系我最爱嘅菜式，食几多次都唔会厌。而佐贺烧肉谷都算系我去过咁多间香港嘅烧肉店其中一间好值得再encore嘅餐厅。
餐厅有4款价钱嘅套餐，今次我哋拣咗最贵嘅Lv4- 日本佐贺A4和牛海鲜放题，有140款食品，又有免费Sapporo生啤加清酒，movenpick雪糕，可以任饮任食120分钟。
首先职员先送上第一轮烧肉， 用个木盒装住，有佐贺A4和牛小排、佐贺A4和牛牛肋条、究极佐贺和牛三角嫩肌、佐贺A4和牛薄炙牛肋肉、佐贺A4和牛肩胛、佐贺A4和牛角切，款款望落都咁靓，肉质嫩滑，油脂感重，有入口即溶嘅感觉。不过个人比较钟意食佐贺A4和牛小排同埋究极佐贺和牛三角嫩肌，肉质系咁多款入面最嫩身嘅，所以我哋都系主力食呢几款。另外职员仲送上镇店之选烟熏壶渍封门柳（酱油味），肉质松软，而且牛肉味极为浓郁。
除咗和牛，亦都有豚肉🐷、鸡肉、海鲜、沙律、日式料理、蔬菜、饭面汤等可以自己喺QR code度落单。
呢度啲海鲜都非常新鲜，最值得大家叫一定系烧日本原只生蚝。生蚝2-3月系最盛产嘅时候，只只都好似手掌咁大，鲜甜肥美。
另外鲍鱼都好新鲜大只，口感弹牙，最重要刷得好干净，令客人好放心食用。
其他海鲜有照烧帆立贝、清酒煮蚬、法国黄金螺、海鱼鱼干、花鱼一夜干等等。
自助吧都有成40款各式美食同饮品🧃🥤。特别介绍下佢哋嘅烧肉可颂🥐、烧肉谷紫菜饭。
最后，甜品方面有Movenpick雪糕、七彩棉花糖、软雪糕🍦、鲷鱼烧、福饼、水果等🍉。
张贴
