樓下冰室

营业中

休息中

同朋友嚟到鲗鱼涌觅食，第一站就系呢间楼下冰室。不嬲觉得茶餐厅、冰室系香港嘅核心文化之一，值得我哋捍卫同珍惜。呢间楼下冰室全港原来得两间分店，如果我楼下都有呢间楼下冰室，我应该会系常客。入到去，餐厅侍应个个都好好礼貌、亲切。餐牌好有港式味道，我毫无悬念地拣咗叉烧滑蛋饭、瑞士鸡翼、芝士焗西兰花，嘢饮方面我叫咗其他茶餐厅都比较少有嘅绿椰冰，朋友就拣咗红豆冰。最后喺姐姐嘅力推之下，我试埋咗呢度嘅菠萝冰。叉烧滑蛋饭，正！我本人口味就独特啲，钟意食瘦叉，餐厅正正就系选用瘦叉，健康又美味，就连钟意食肥叉烧嘅朋友都觉得叉烧软淋兼入味。酱汁、炒蛋同个饭都非常之夹！绿豆椰子沙冰，消暑解渴，美味！瑞士鸡全翼，只系睇过色泽都知佢几咁入味，好味！希望楼下冰室快啲向新界北进攻，等我唔使出到咁远都有得食啦～～～