影片
更多
2019-07-10
54 浏览
朋友话要带我黎MK饮茶食点心，于是我就跟佢黎到旺角雅兰中心2楼201号舖的点心廊。虽然系LUNCH TIME, 但可能因为两个人易有位，好快就入座了。环境简洁光猛，配上云石枱，好似好高级GRAND既感觉!十分典雅，坐得舒适之余，也有私人空间。叩左个瑰丽堂皇(Rose Lychee Black Tea) HKD10一个人茶位:外间少见，浓浓既玫瑰花香，配以荔枝既清甜，芳香扑鼻好易入口，推荐！看了点心纸，每款都想品尝，所以点左创作六式拼盘 HKD1981)金箔墨汁蟹粉鲜虾饺 : 一睇外表已经好掂，墨汁饺子皮上铺了金箔，好华丽，食落一大堆蟹粉，配以弹牙爽口鲜虾，唔错！(2)海胆凤眼饺 : 餐厅好大方，一大埋马粪海胆，非常鲜味，而且入口即溶，好CREAMY~(3)原只鲍鱼鸡粒酥: 一口鲍鱼够晒豪华，食落又方便，刚刚好! 鲍鱼软稔，有鲍汁又唔会太DRY! 鸡粒配上饼底既香酥，令人无法抗拒(4)黄金啤梨咸水角: 系啤梨呀! 呀，唔系，系咸水角，肥DODO，外脆内软， 皮唔会太厚! 而且馅料惹味，好美味!(5)黑白芝麻流心煎堆仔: 芝麻流心， 烟烟靭靭，黑白芝麻营养价值好高，好似好养生，食食下仲有
叩左个瑰丽堂皇(Rose Lychee Black Tea) HKD10一个人茶位:
外间少见，浓浓既玫瑰花香，配以荔枝既清甜，芳香扑鼻好易入口，推荐！
看了点心纸，每款都想品尝，所以点左创作六式拼盘 HKD198:
(1)金箔墨汁蟹粉鲜虾饺 : 一睇外表已经好掂，墨汁饺子皮上铺了金箔，好华丽，食落一大堆蟹粉，配以弹牙爽口鲜虾，唔错！
(2)海胆凤眼饺 : 餐厅好大方，一大埋马粪海胆，非常鲜味，而且入口即溶，好CREAMY~
(3)原只鲍鱼鸡粒酥: 一口鲍鱼够晒豪华，食落又方便，刚刚好! 鲍鱼软稔，有鲍汁又唔会太DRY! 鸡粒配上饼底既香酥，令人无法抗拒
(4)黄金啤梨咸水角: 系啤梨呀! 呀，唔系，系咸水角，肥DODO，外脆内软， 皮唔会太厚! 而且馅料惹味，好美味!
(5)黑白芝麻流心煎堆仔: 芝麻流心， 烟烟靭靭，黑白芝麻营养价值好高，好似好养生，食食下仲有阵咸蛋黄味~
(6)一口燕窝蛋挞: 养颜既燕窝份量很多，蛋挞底配上饼底既香酥，不过唔太够牛油饼底味。
黑蒜凰爪排骨饭: 黑蒜甜甜好好味，比起普通蒜少左辣口感觉，可以食哂！凰爪好软同清理干净，排骨无猪腥味同雪味。
麻婆豆腐日本带子饺: 好有特色，清脆的绿饺子用了少许食用金箔点缀顶边，好高级咁，迷你麻婆豆腐料子咁形容就冇错，留意到有几粒带子，可以提起鲜味~
成餐饭都好满意，价钱合理，卖相精致，无论食还是打卡都一流，会再光顾!
张贴
