日月堂

营业中

休息中

又嚟观塘工厦食饭，今次到访呢间位于永兴工业大厦嘅台式小店。之前试过佢嘅牛肉面，质素好好。餐厅地方都几大，食客都唔少。餐牌主打汤面、拌面、便当、小食及甜品等，仲有唔少得嘅台式饮品。清炖半筋半肉面（$75）- 汤底非常浓郁，牛筋及牛肉好入味，配搭粗身，入口非常弹牙嘅面条。钟意食牛肉面嘅朋友必食。牛三宝面（$80）- 三宝包括牛腱肉、牛肋条同埋牛筋，仲有红萝卜及萝卜，材料非常丰富。面条及汤底同半筋半肉面相同，真心好味。家乡水饺（$40）- 呢个水饺充满惊喜，钟意佢嘅肉唔会太肥，加埋姜蓉响入边，简单得来好味，真系好有自家制水饺feel。宜兰花枝丸（$38）- 花枝丸入口爽口弹牙，外层炸咗令口感更加有层次。一客共五粒，两三个人share食就啱晒。