寬巷子 (已結業)

今日系冬至，我哋想试下高质素嘅火锅，见到好多评语都话宽巷子唔错，所以就选择咗宽巷子试吓。因为有海港城coupons而且地点方便，系一个唔错嘅选择。我哋准时6点到达餐厅门口，职员好快安排我哋入座，呢个时间餐厅都唔算好多人，应该得一半枱有人。首先我哋拣咗一个鸳鸯火锅底，因为第一次黎食所以想试多d 东方美人 & 椰皇鸡，2款汤底都用料十足，各有不同。东方美人汤底味道比较清淡，汤底有豆腐尚算唔错；而另外椰皇鸡味道就比较浓烈，有椰子香味非常美味而且有半只鸡，鸡肉好嫩滑可口。今晚的重点就系上等和牛盛合，包括日本和牛，澳洲和牛，仲有牛舌。非常有肉味，喜欢食牛的朋友真系要试下。综合菌菇好新鲜，配上汤底更入味。墨条牛轧味道都唔错，可见手工精致，摆设美丽。枝仔冰卖相靓但味道一般，试一次就够了。水果茶够入味，系真水果茶不是糖浆的甜而系水果的清甜总结而言餐厅的食物都算高质素，手工卖相系做得唔错。价钱尚算合理，对住维港海景吃火锅真系一大享受。