稻埕飯店 (V Point) (已結業)

今日同屋企人来到铜锣湾，想揾间餐厅食个冬至饭，见到呢间餐厅门面锦神秘，于是吸引左我地去呢间餐厅。入到间餐厅开头仲以为系bar，入到去入面原来系餐厅。今次我地选择左个冬至套餐，另外加左几道小食。首先来嘅系药膳鸡卷，呢个鸡卷非常精致，酒味不会太浓，同埋有少少参味，肉有少少汁然后就来左套餐嘅蒜泥白肉，呢个白肉内卷有青瓜爽口，一齐食有少少解腻效果。炸物有炸云吞，与一般酒楼食嘅有少少特别，呢个馅多皮少。然后就有个干贝鸡汤，汤足料，味浓，不会太咸。较为特别的有呢个一口鲍鱼，厨师很好将鲍鱼一开二，而下面有片鱼糕，鲍鱼唔韧，而鱼糕就吸收左d鲍鱼嘅味食套餐当然要有鱼啦，唔好只系见到得几片龙趸片，其实食到呢个时间都已经饱饱地，而呢几片龙趸片上面都加有橄榄同酸梅酱，食起来有d解腻。差唔多去到尾段当然有个炒饭啦，呢个炒饭料足，有蟹子、带子、虾米、仲有d肉松，好香口，加上上面只大虾好有气势之后以为会上甜品，点知仲有一道，唔讲一定估错，原来呢个系松露奶油百合，食起来完全唔似，质感有d似煮到好腍嘅蒜头，加上奶油同松露香，入口即化最后当然有个黑芝麻汤丸红豆汤啦。呢间餐厅可以再来，都几有惊喜，食物质素都唔错。