影片
更多
2024-09-03
331 浏览
迟就迟咗少少，终于到访牛大人，试吓佢嘅台湾火锅吃到饱套餐。拣咗位于旺角琼华中心嘅分店，环境阔落舒适，平日嘅夜晚都keep住有人等入座。吃到饱套餐分别有三个餐，正价时段由$248- $328，晚上7:30前离座或11点后每位再平$40。我哋点咗最贵嘅澳洲极上和牛餐，120分钟任点任食。 汤底选择共有十款，当中仲有啲期间限定汤底，非常有特色。我哋比温暖开胃嘅台式凤梨鸡锅吸引咗，入面有好多鸡件、蔬菜及银鱼仔，非常足料。 重头戏当然系佢嘅澳洲极上和牛，真心好好味，非常高质。另外安格斯特选牛板腱、美国SRF黑牛、手切封门柳都好正，冇谂过放题都有呢个质素。 任点任食仲包咗多款海鲜，台湾小食，手工水饺等。当中沙白、大虾、黑松露海鲜滑、午餐肉、皮蛋豆腐味道都好好。
自助食物区地方阔落，菜类，饺类、丸类、小食、面食。响铃仲好细心咁放喺盒入边，保持香脆，另外要推介和牛丸系超好食，入口非常弹牙juicy。饮品选择好多，除咗可以喺自助区度拎茶饮、柠檬茶及汽水之外，仲可以利用QR code点选多款台式特饮，例如手摇柠檬茶。值得一题，甜品提供Dreyers嘅朱古力雪糕批及甜筒，相当之高成本。 台式火锅放题嚟讲，呢
迟就迟咗少少，终于到访牛大人，试吓佢嘅台湾火锅吃到饱套餐。拣咗位于旺角琼华中心嘅分店，环境阔落舒适，平日嘅夜晚都keep住有人等入座。
吃到饱套餐分别有三个餐，正价时段由$248- $328，晚上7:30前离座或11点后每位再平$40。我哋点咗最贵嘅澳洲极上和牛餐，120分钟任点任食。
汤底选择共有十款，当中仲有啲期间限定汤底，非常有特色。我哋比温暖开胃嘅台式凤梨鸡锅吸引咗，入面有好多鸡件、蔬菜及银鱼仔，非常足料。
重头戏当然系佢嘅澳洲极上和牛，真心好好味，非常高质。另外安格斯特选牛板腱、美国SRF黑牛、手切封门柳都好正，冇谂过放题都有呢个质素。
任点任食仲包咗多款海鲜，台湾小食，手工水饺等。当中沙白、大虾、黑松露海鲜滑、午餐肉、皮蛋豆腐味道都好好。
自助食物区地方阔落，菜类，饺类、丸类、小食、面食。响铃仲好细心咁放喺盒入边，保持香脆，另外要推介和牛丸系超好食，入口非常弹牙juicy。
饮品选择好多，除咗可以喺自助区度拎茶饮、柠檬茶及汽水之外，仲可以利用QR code点选多款台式特饮，例如手摇柠檬茶。
值得一题，甜品提供Dreyers嘅朱古力雪糕批及甜筒，相当之高成本。
台式火锅放题嚟讲，呢间真系算数一数二性价比好高，钟意食牛嘅朋友值得一试呀。
张贴
