影片
更多
2020-09-27
53 浏览
最近芝士牛丼好受欢迎，我向来都好钟意食牛肉饭，但向来食𠮶啲都系好普通𠮶啲。今日经过尖东附近做嘢，食lunch就决定试间比较高级嘅牛肉饭（啱啱出粮，可以豪啲），睇下同其他嘅有几大分别同值唔值得再试。贺. 温泉玉子、照烧宫崎和牛丼哈哈，大概系我人生点过最贵嘅牛肉饭，不过好正嘅系真系超级好味！！佢嘅lunch set 包埋前菜、茶碗蒸、味噌汤同埋甜品，所以肯定够饱先。-前菜 - 胡麻酱菠菜沙律有冇人同我一样好憎食菠菜... 一开始见到系菠菜，好抗拒同面有难色咁点头，点知完全冇𠮶种好怪嘅涩味，竟然系好爽脆！再加埋啲麻酱，好好食：）-茶碗蒸茶碗蒸看似系普通嘅蒸蛋，但其实比想像中难，要避免到汗水唔好上面有泡，要滑得黎唔会好水，所以时间要好好掌握。尼度嘅茶碗蒸就取得平衡，佢质感滑溜，唔会好实。佢用鲣鱼汤带出咸味同鲜味，再以味醂带出甜味，同令佢唔会起糊状。最后，跟其他餐厅唔同，佢加上䲞鱼，更加鲜甜。-主菜 - 温泉玉子、照烧宫崎和牛丼A4级嘅日本和牛，我之前食嘅和牛都系烧肉、扒类，但第一次试系以牛肉饭嘅做法。啲牛肉肥瘦得宜，唔似其他牛肉饭咁一系就一旧好多肥肉一啲就好瘦咁（当然一分钱一分货）。而且啲肉质
贺. 温泉玉子、照烧宫崎和牛丼
哈哈，大概系我人生点过最贵嘅牛肉饭，不过好正嘅系真系超级好味！！佢嘅lunch set 包埋前菜、茶碗蒸、味噌汤同埋甜品，所以肯定够饱先。
-
前菜 - 胡麻酱菠菜沙律
有冇人同我一样好憎食菠菜... 一开始见到系菠菜，好抗拒同面有难色咁点头，点知完全冇𠮶种好怪嘅涩味，竟然系好爽脆！再加埋啲麻酱，好好食：）
胡麻酱菠菜沙律
3 浏览
0 赞好
0 留言
-
茶碗蒸
茶碗蒸看似系普通嘅蒸蛋，但其实比想像中难，要避免到汗水唔好上面有泡，要滑得黎唔会好水，所以时间要好好掌握。尼度嘅茶碗蒸就取得平衡，佢质感滑溜，唔会好实。佢用鲣鱼汤带出咸味同鲜味，再以味醂带出甜味，同令佢唔会起糊状。最后，跟其他餐厅唔同，佢加上䲞鱼，更加鲜甜。
茶碗蒸
6 浏览
0 赞好
0 留言
-
主菜 - 温泉玉子、照烧宫崎和牛丼
A4级嘅日本和牛，我之前食嘅和牛都系烧肉、扒类，但第一次试系以牛肉饭嘅做法。啲牛肉肥瘦得宜，唔似其他牛肉饭咁一系就一旧好多肥肉一啲就好瘦咁（当然一分钱一分货）。而且啲肉质好松软同入味，牛肉要煮一段长时间，所以好容易变韧，但可能系和牛啦，就仲系好滑。腌肉嘅酱油适中，唔会盖过牛肉本身嘅味道。而温泉蛋就更加系画龙点睛嘅作用，我整穿左只蛋，将佢同牛肉饭捞埋一齐，啲饭上面沾满蛋，一黎有蛋香，二黎更加滑溜。同出面嘅牛肉饭唔同，佢除左有点缀用嘅葱花，仲善用葱白色嘅部分（味道会比绿色部分重），切成一条条细丝，再配合切成圈状绿色葱嘅部分，令到个饭唔会好漏，同清新左好多。而米方面就用上日本嘅珍珠饭，粒粒饱满，就算沾上蛋液都唔会痴埋一旧。绝对值得推介！
温泉玉子、照烧宫崎和牛丼
2 浏览
0 赞好
0 留言
-
味噌汤
尼度嘅味噌汤好特别，佢仲额外加上南瓜，令味道变得多层次同甜甜地，健康得黎又好食。
甜品 – 开心果雪糕
嚟到最后就到甜品啦，系开心果雪糕！雪糕质地都好绵，冇起冰。同埋入面有粒粒嘅开心果，清新嘅nuts 味同好滑嘅牛奶味，绝对唔系一般出面食到嘅雪糕嘅味道！绝对系为尼个午餐画上完美嘅句号。
开心果雪糕
3 浏览
0 赞好
0 留言
-
你问我俾咁多食一碗牛肉丼会唔会肉赤，咁就一定㗎啦，但系真系好好食，同又有得试高质嘅前菜同甜品（午餐嘅厨师发办都系一样嘅配菜），绝对值得一试啦！同喺尼种小店食饭好正，因为厨师会分享下啲食物。尼间虽然主打厨师发办，但都有平啲嘅选择，我觉得好值得以平啲嘅价钱试下高级嘅服务同食材！下次有多啲钱再试下佢嘅omakase 先 😋
张贴
