影片
更多
2023-03-22
35 浏览
川之源我之前食过，因为好食，所以今日再去食，不过就食正街楼上铺𠮶间，贪佢唔使行条楼梯斜路，佢嘅午市好抵食，用料靓，我哋今日就食咗个二人午市套餐。老板娘好Nice，推介咗啲食物俾我哋。首先我哋拣咗碟凉拌木耳，佢嘅汁调得好好味，惹味得来好清新。老板娘话佢嘅炒菜注重少油少盐，注重健康，我哋𠮶碟油麦菜真系用佢嘅原味鲜甜加蒜片嚟炒，好清新自然。个酸菜鱼嘅鱼肉好滑，而最重要嘅系佢个汤唔系比一浸油盖住晒，老板娘话佢哋系调节左味道，知道香港人注重健康，所以唔会比一浸油咁盖住，啲汤都鲜甜好饮，而佢嘅酸菜都系自己腌制，佢用唔同嘅菜嚟腌，腌嘅时间要几日，喺腌菜嘅期间又唔可以比油掂到，所以要好多心机，但系因为用唔同嘅菜嚟腌，所以咬口有唔同层次，再加埋有粉丝同埋鱼片喺入边，非常之享受味蕾上面嘅不同层次，非常惹味，值得一试再试。饭后甜品系桂花冰粉，佢嘅桂花味好清香，黑糖味又唔会太甜，食落好舒服好开心，喺店舖内嘅必食推介。值得一提嘅系佢提供嘅荞麦茶，佢嘅茶味非常之香，同埋有茶味，唔同外面餐厅嘅荞麦茶，只系香但冇茶味。问过老板娘，原来佢嘅荞麦茶系由四川订货来的，呢款荞麦茶系有解热气肥腻作用，令到人唔使咁热气，老板娘嘅
老板娘好Nice，推介咗啲食物俾我哋。首先我哋拣咗碟凉拌木耳，佢嘅汁调得好好味，惹味得来好清新。老板娘话佢嘅炒菜注重少油少盐，注重健康，我哋𠮶碟油麦菜真系用佢嘅原味鲜甜加蒜片嚟炒，好清新自然。
个酸菜鱼嘅鱼肉好滑，而最重要嘅系佢个汤唔系比一浸油盖住晒，老板娘话佢哋系调节左味道，知道香港人注重健康，所以唔会比一浸油咁盖住，啲汤都鲜甜好饮，而佢嘅酸菜都系自己腌制，佢用唔同嘅菜嚟腌，腌嘅时间要几日，喺腌菜嘅期间又唔可以比油掂到，所以要好多心机，但系因为用唔同嘅菜嚟腌，所以咬口有唔同层次，再加埋有粉丝同埋鱼片喺入边，非常之享受味蕾上面嘅不同层次，非常惹味，值得一试再试。
饭后甜品系桂花冰粉，佢嘅桂花味好清香，黑糖味又唔会太甜，食落好舒服好开心，喺店舖内嘅必食推介。
值得一提嘅系佢提供嘅荞麦茶，佢嘅茶味非常之香，同埋有茶味，唔同外面餐厅嘅荞麦茶，只系香但冇茶味。问过老板娘，原来佢嘅荞麦茶系由四川订货来的，呢款荞麦茶系有解热气肥腻作用，令到人唔使咁热气，老板娘嘅心思真系抵赞。而我哋食完之后都唔会觉得口渴，所以真系要一试再试，老板娘亦同我哋讲，佢用嘅食材来货价贵，系用咗佢哋嘅心思去煮一啲好食物比客人嘅。
张贴
